الديالوج

 الديالوج كلمة يونانية تتألف من لفظين الأول (ديا) بمعنى اثنين، والثاني (لوج) بمعنى أداء، أي الأداء الثنائي ويشترك فيه مطرب ومطربة.      وقام سيد درويش بتلحين 18 ديالوجا.

وفيما يلي قائمة بأشهر ما لحن سيد درويش  من قالب الديالوج

 

 آن الآوان ياحلوة آن

 

آديني اهو جيتك بدري

على قد الليل مايطول

 

أهل البلد هما اللي حكولي   (العقد)

    هو بعينه وبمناخيره
     

آديني اهو جيتك بدري

من اوبريت " شهرزاد"

اللحن  
 

 أداء سيد درويش وحياة صبري

 تأليف  محمود بيرم التونسي                       المقام عجم

 

 

حورية:        آديني أهه جيتك                بدري وحدي اجري

                اسمع كده دقة                   قلبي تلقاه ياسلام

 زعبلة:   مع الأسف أنا مقدرش           مادمت في الخدمة نوبتجي

 حورية:        الجو راق ولافيش معنا          شيء يمنعنا

                     وأي فرصة تمتعنا                      غير دي ياسلام

 زعبلة:   مع الأسف أنا مقدرش           مادمت في الخدمة نوبتجي

 حورية:         وإن كنت اقولك                 أنا يعني قوم دلعني

                    يصح برضك تلطعني           كده اهه ياسلام

 زعبلة:   مع الأسف أنا مقدرش           مادمت في الخدمة نوبتجي

 حورية:         والله إن ماردتش علي           تبقى رزية

        لاخنق رقبتي بإديه                      كده اهه

زعبلة:         ياسلام          محروقة الخدمة وشغلتها

        اهي باينة وعارف لبتها

             انا رايح أعصى بالعنية دي

      دي الرقصة وياكي بالدنيا

 

 آن الآوان ياحلوة آن

من اوبريت " العشرة الطيبة"

بصوت سيد درويش الاسطوانة  
 

 أداء سيد درويش وحياة صبري

 تأليف بديع خيري                                           المقام عجم

 

 

الجميع : آن الآوان ياحلوة آن   والسعد كان مستني يومك من زمان

  سيف : اتمخطري واتغندري             واتجعصي في التختروان

الجميع : آن الآوان ياحلوة آن  والسعد كان مستني يومك من زمان

            يانور العيون خايف يكون      حاتسيبيني يازينة البنات

 الجميع : آن الآوان ياحلوة آن  والسعد كان مستني يومك من زمان

 نزهة  :  بكرة تشوف جنيهات الوف وازروطك بالنشنات

  سيف:  مهما اسوح والا انوح       دانا اروح وراك كوردفان

           اتمخطري واتغندري               واتجعصي في التختروان

الجميع: آن الآوان ياحلوة آن       والسعد كان مستنييومك من زمان

 

أهل البلد هما اللي حكولي   (العقد)

من اوبريت "راحت عليك " لفرقة علي الكسار

النوتة  
 

أداء سيد درويش وحياة صبري

 تأليف أمين صدقي                       المقام عجاز كار

 

 

 اهل البلد هم اللى حكولي       قالولي ده عقد أبيض لولي

  يفضل ولي العهد ده لابسه      لحد يوم مايحس بنفسه

إنه رشيد وصار شديد    راجل سديد      وفي قدرته ينهي ويحكم

 

 لازمة

 فإن فضل صاين نفسه  مالانش لنتاية تعاكسه

 يفضل قال العقد بلونه أبيض    وده شرط لكونه 

        يورث ابوه ويبجلوه     ويجعلوه الكبير ف يوم إثبات رشده

 

 لازمة

 اما إذا لان لنتاية        ولوبكلمة ياسوء بخته

 أو كان له ف وصالها غاية      العقد يسود ف وقته

 فيحرموه من ملك ابوه  ويطردوه      العقد آدي كل حكايته

  آه ياريت كان ف الزمان ده     الف مليون عقد من ده

 كنت البس كل راجل            كنت البس كل واحدة

 علشان الراجل اللى     ماشي مشي التراللي

 والهانم اللى تصهين     على جوزها وماشية بهلي

  يختشوا ويكشوا حبه            دي نصيحة ماهيش مسبة

 واحنا اغراضنا عبادنا           ياهوه ف تهذيب ولادنا

 قدسوها نكون خدمنا             اسمنا وديننا وبلادنا

 

على قد الليل مايطول

( بين سيف الدين ونزهة في أوبريت العشرة الطيبة)

صوت سيد درويش الاسطوانة  
 

أداء سيد درويش وحياة صبري

 تأليف بديع خيري                                 المقام بوسلك

 

 

سيف الدين    على قد الليل مايطول    مسترضي بسهرى ونوحي

                    في حبك ياللي من اول  مشوفك تترد روحي

                     سنين وأيام هايم فيكي   بزمارتي اصحيكي

                طول ماأنا وانت في الدنيا دي   افوت اهلي واجدادي

                            اروح على فين وانتي قصادي

   نزهة   (من النافذة)   أه ياترى ياربي ده هو واللا لأ... حبوبي؟

   سيف الدين             ياعين الحبوب من جوه

                                ياسبب وعدي ومكتوبي ياكتاكيتها

    نزهة                    ياننوسه

   سيف الدين           ياقطاقيطها

   نزهة                     ياحنتوسه

  سيف الدين             انا م النجمة في استنظارك

   نزهة                      آديني نازلة

 سيف الدين               اما نهارك ابيض من طبق القشدة

  نزهة                       اوعى يكون حد شايف طيفي

 سيف الدين               حطي في بطنك بطيخة صيفي..

                                 شفتي بتاكلني انا في عرضك

                                 خليها تسلم على خدك

  نزهة         يوه  يا دين النبي تنك سايح ماشبعتش من ليلة امبارح

  سيف الدين   ماتفكرنيش اما دي حقة كانت ليلة في غاية الرقة

   نزهة           فاكر وانا حاطة ايديه في بطاطك قبلي الترعة

                     على غفلة ملت عليه ماقدرتش اقولك اوعى

 سيف الدين    قمت انا بصيت يمين وشمال

                       ساعة مالقيت مفيش عزال

                       طبل طبلي كده كده كده كده

                       وزمر زمري   كده كده كده كده   وشقلي بقلي

                       وعنها ودغري خدت لي بوسة لكن صنعة

  نزهة       من يومها عرفت في الآخر      انك مستعبط ساهي

                ايش قلت المثل الساير      ياما تحت الساهي دواهي

 سيف الدين  أه عليها عيون ماتلتقهاش على منادمين باكده يابلاش

  نزهة           عليه مناخير فشر النبقة

  سيف الدين  اما قوامها زيه ماتلقى  دانا متبرجل ياحدقة ياكتاكيتها

                    ياننوسها ياقطاقيطها ياحنتوسها

                    اديني بوسة  وكمان بوسة

                    شفتي بتاكلني انا في عرضك

                    خليها تسلم على خدك

 نزهة    ياه يادين النبي تنك سايح        ماشبعتش من ليلة امبارح

سيف الدين    متفكرنيش اما دي حقه كانت ليلة في غاية الرقة

 

هو بعينه وبمناخيره

من اوبريت " العشرة الطيبة"

صوت القاهرة  
 

أداء سيد درويش وحياة صبري

 تأليف  بديع خيري            المقام عجاز

 

 

 نزهة      هو بعينه وبمناخيره             هو بوشه وبشفاتيره

                            هو اللي انا بالي فيه م الأول

                ملحقتش ابص في وجناته       وسمنت النص بغمزاته

  سيف                 صواميل رجليه سايبه مني

  نزهة                    وانا عصافير قلبي بتغني

  سيف    سبحانه ما أحلى تعديله          مافيش كده لما يعدلها

  الجميع                اتلم سيف الدين على اللي له

                            واتلمت نزهة على اللي لها

   سيف                 والله زمان يامهلبية

  نزهة                    من قلبي لقلبك دورية

  سيف                   وحشتني عيونها العسلية

  نزهة                  وحشتني رموشه البصلية

  الوالي          الأمر خلاص أصدر منا         الليلة يكون ليلة حنة

  الجميع          اهو ده لماجور وادي الشلية     قرموط اتجوز بلطية

                       الليلة الحنة ياعنية              وبكرة تكون الصباحية