قصيدة الفنان الشاعر صلاح جاهين

تحت عنوان " ابو عرب"

واقف لحد الفجر باستغفر ورا عود مرمر

مشروخ…….وأنا شايب والخضر فات بحصانه من جنبي

لابس صديري بالقصب..دايب   الفجر كان أخضر

الأرض كانت ريش نعام بمبي  القلعة سوده والبيوت بيضه

في كل بيت خزنة والخزن مليانة شغف نساوين

نام الافندي يئن بالتركي والبياعين بينادوا ع الحنة

والرعد ساكت والنقرزان بينفذ القوانين

الشمعة وقعت في جب  اول رجب الف وميتين هجري

عشرين كياك مصري  أنا كنت سكران سكر شيخوخة

لكني دريان باللي حواليا  اسكندرية الملح غطاها

حبلت وولدت ورد على ياسمين  ولدت حديد على نار

مبيضين على شيالين على مراكبية   قال اللى قال..حوشوا

كانت مراكب أصبحت توابيت  رد اللى قال: صلوا على طه

الواد ابو السيد في الفنار  في ايده ريشة عود

بيلون السماوات سحاب ورعود  نزل المطر ع الأهالي

خرجت جنازتي الضهر م الأزهر والضهر كان أحمر

فتحت أنا عينيا من قبل مااوصل للضريح وصحيت

على شفتي غنوة صنايعية   ابو عرب غنالي

إلى أعلى الصفحة