رواية "راحت عليك" (1920)

 تقديم  فرقة علي الكسار، تأليف وأغاني أمين صدقي

 عدد الفصول 3 ، عدد الألحان 18

اشترك كامل الخلعي في هذه الرواية بلحنين هما ياللا ياحاوي وياحلوة مين انتي روحي.

 

ملخص الرواية

  وقعت في مقاطعة هندية بطلها حاوي تساعده ابنته في العروض، أحبها ولي عهد الهند وأعجب بها، وكان قد أحبها رجل أمريكي (يمثل الاستعمار) وطلبها ولكنها رفضته. وكان من عادات أهل البلاد أن يلبس ولي العهد عقدا أبيض اللون حتى إذا بلغ سن الرشد ولم يتغير لونه يولى عرش الملك، وكان المفروض أن يتغير لون العقد في حالة انحراف ولي العهد. واتضح أخيرا أن قص العقد قصة وهمية يراد منها حماية أولياء العهد من الانحلال.  وأحب ولي العهد ابنة الحاوي المصرية الأصل وتوصل أخيرا إلى الزواج منها رافضا الزواج من الأميرة (ابنة عمه) التي فشلت مكيدتها التي دبرتها ضده لإقصائه عن الزواج بابنة الحاوي.

ألحان الرواية

 

جرى أيه يافشل أنت يادونكي   عيد وزأطط ياواد أنت
آدي ست الكل زي الفل   ديالوج  أهل البلد (العقد)
ياللا ياحاوي إن كنت ناوي   السر دا هنا هو في قلبي
غير الزواج فيه هنا تاني   نعمل ايه أهو البرنس طب
ياحلوة مين انتي روحي   ياسلام ماكنتش أفهم
وقت العمل فيه ميت أمل   كلنا آدي احنا جينا
بكرة يابنتي تخشي دنيا   صحصحوا ياجماعة آدي نور
مونولوج والله تستاهل ياقلبي   اتفوه على كل من خان عهد
راحت عليك   مين زي مين أسعد مني
 

أهل البلد هما اللي حكولي   (العقد)

النوتة  
 

أداء سيد درويش و حياة صبري

 تأليف أمين صدقي          المقام عجاز كار

 

 

ا اهل البلد هم اللى حكولي       قالولي ده عقد أبيض لولي

  يفضل ولي العهد ده لابسه      لحد يوم مايحس بنفسه

إنه رشيد وصار شديد    راجل سديد      وفي قدرته ينهي ويحكم

 لازمة

 فإن فضل صاين نفسه  مالانش لنتاية تعاكسه

 يفضل قال العقد بلونه أبيض    وده شرط لكونه 

        يورث ابوه ويبجلوه     ويجعلوه الكبير ف يوم إثبات رشده

 لازمة

 اما إذا لان لنتاية        ولوبكلمة ياسوء بخته

 أو كان له ف وصالها غاية      العقد يسود ف وقته

 فيحرموه من ملك ابوه  ويطردوه      العقد آدي كل حكايته

  آه ياريت كان ف الزمان ده     الف مليون عقد من ده

 كنت البس كل راجل            كنت البس كل واحدة

 علشان الراجل اللى     ماشي مشي التراللي

 والهانم اللى تصهين     على جوزها وماشية بهلي

  يختشوا ويكشوا حبه            دي نصيحة ماهيش مسبة

 واحنا اغراضنا عبادنا           ياهوه ف تهذيب ولادنا

 قدسوها نكون خدمنا             اسمنا وديننا وبلادنا

 

آدي ست الكل

بصوت الكورال النوتة  
 

 المؤدي سيد درويش وحياة صبري، تأليف أمين صدقي

 المقام سيكاه

 

 

لجميع      آدي ست الكل زي الفل ملحة في عين اللي ما يصلي

  شوفوا حلاوتها   شوفوا لطافتها       حقة لاتقول لي ولا تعيد لي

غندورة         أيه فايدة العز وجاهي           والقليب مجروح

                ايه فايدتي بحسني ياحسرة      وأنا فين راح  أروح

                العزوبية ياهوه بتحرق قلبي     ليل ونهار يادي المرار

لأولاد          مين ينكر إن دي أموره         يابخت من فاز بجوازها

                آيات جمالك دي صورة         العز والجاه بروازها

الجميع          آدي ست الكل زي الفل ملحة في عين اللي ما يصلي

   شوفوا حلاوتها    شوفوا لطافتها      حقة لاتقول لي ولا تعيد لي

غندورة        العزلية يمنع عني                  لذتي دا تبات

                  لازم أنا أفرح بشبابي             دي الحياة لذات

                  مهما كبيرنا احنا نفوسنا         خاضعة للشهوات

                                         دي استعدادات

الأولاد           الشهوات ليها حد                نفوسنا لازم نراعيها

                   وناموسنا ليه إنتو                يارؤوس ياكبيرة

                   ماتكونش ليه نفوسكو         كبيرة ليه ليه ليه

غندورة         لو كانش مركزي كده عالي      كنت انا اتهنيت

                وكنت حرة وعلى كيفي         رحت وللا جيت

                ياريت ماكنت برنسيسة           ولاكنت عليت

                                         ياريت ياريت

الاولاد          ياما فيه من العينة دي كبار        فلوس كتير ولافيش حرية

                  لما نكون فقرا وأحرار                        آدي السعادة الأبدية

 

والله تستاهل ياقلبي

اللحن  
 

  أداء سيد درويش         تأليف أمين صدقي  المقام شوق أفزا

 

 

والله تستاهل ياقلبي

 ليه تميل ماكنت خالي

انت اسباب كل كربي

         انت أسباب ما جرى لي        

مين بقى اللي حيواسيني 

       بعد ماانهدت آمالي

إذا كان حظي ناسيني   

        مين أروح  له أشكي له حالي

إن شكيت

قلبي وحواسي                يعملوا مؤامرة عليه

وإن بكيت

 الحب قاسي          تشتكي مني عنيه

اعمل ايه واحنا في غربة    

   والأغراب دول زي يتامى

مين يواسيهم في كربه   

        ياما بيقاسم وياما

يارب كل من له حبيب          وطال بعاده ولا قريب

ماتحرموش منه

وهاتهله بالسلامة

 

 
 
 
 
 
ا