رواية "شهرزاد" (1921)

  تقديم فرقة سيد درويش وعمر وصفي

 المؤلف عزيز عيد، أغاني محمود بيرم التونسي

 

ألحان الرواية

 

 ملخص الرواية

شهرزاد أميرة تترية تبلغ  من العمر 20 عاما، يحمي ملكها جيش من المرتزقة من بينهم "زعبلة" الذي ارتحل من مصر وراء حبيبته "حورية". في رتبة "هزق بزق" وهي رتبة تعادل الجندي، وتعجب به الأميرة فترقيه إلى رتبة قائد عام جيوش الأميرة.

تنتصر جيوش الأميرة بقيادة زعبلة وتحاول شهرزاد إغراؤه لكنه يفضل عليها حبيبته التي تعمل كوصيفة في القصر وهي "حورية المصرية".

من خلال العرض تحذو الأوبريت بذكاء إلى تمجيد الجيش المصري والاعتزاز المصري بجنسيته وعمق انتماؤه إلى تراب مصر من خلال لحن أنا المصري ولحن أحسن جيوش على التوالي.

تتضمن الأوبريت أحد التجارب الهارمونية التي عالجها سيد درويش في اللحن الختامي للفصل الأول وهو الغناء البوليفوني في نهاية لحن "دقت طبول الحر ياخيالة". وتم توزيع موسيقى الأوبريت اوركستراليا بمعرفة المايسترو "كاسيو" أحد الموسيقيين المستشرقين وبلغ عدد العازفين في تلك الأوبريت 26 عازفا كان من بينهم محمد حسن الشجاعي مستشار الإذاعة على أحد آلات النفخ النحاسية. وتعبر الألحان عن مواقف درامية في سياق المسرحية.

تبلغ مقاومة المصرى للضغوط في أي مكان يتواجد فيه سواء كانت من مستعمر داخلي أو ضغوط خارجية في لحن الختام على لسان زعبلة في صرخة :

    طول ما نهر النيل بيجري           أنا لاأنذل عمري

وإن حكمتي أي مصري        احكمي ع المستحيل

 

ألحان الرواية

ديالوج آديني أهو جيتك بدري   نشيد اليوم يومك ياجنود
نشيد أنا المصري   نشيد تحيا الأميرة شهرزاد
نشيد دقت طبول الحرب ياخياله   نشيد أحسن جيوش في الأمم
آدي الشمس والقمر   البوستة جيه
هالا بتضلوا معايا هون   نشيد الجيش رجع م الحرب
افتح ياباش سنجق دار   زفوا العروسة للعريس الجميل
مالك ياباش سنجق دار   مين كان يقول الحرب حتخلص
الدنيا مايدومش فيها حال
   

نشيد اليوم يومك ياجنود

 
 

 المؤدي سيد درويش و حياة صبري والمجموعة

 المقام  عجم

 

 

الجميع

اليوم يومك ياجنود ماتجعليش للروح تمن

يوم المدافع والبارود  مالكيش غيره في الزمن

  هيا اظهري عزم الأسود في وجه أعداء الوطن

     عار على الجندي الجمود إلا إذا لفه الكفن

 زعبلة

على السماء خلوا الهجوم لو كانت الاعدا نجوم

وزلزلوا الأرض إذا جارت على الأرض الخصوم

الجميع                  البوري بيندهلك اسمع منه الصوت

بيقولك فوت أهلك واستهتر بالموت

احيينا سعداء وأمتنا شهداء

زعبلة  لحبيبته حورية

  ياحياة الروح هل حالك حالي     تذكرين الوصل في تلك الليالي

  هل يزور الطيف ميدان القتال   ام يحول العمر من دون الوصال

  في رضا الأوطان اني لا أبالي    انما الاقدام من شأن الرجال

حورية لزعبلة

                        سر وعد بالنصر من مولى الموالي

                        يا حبيبا صار في نيل المعالي

الجميع

                هيا بنا هيا بنا نلعب ونرقص كلنا

               ونضحكوا ونلعبوا ونقوم نوقع بعضنا

زعبلة     احنا الشباب من طبعنا      نفدي الوطن بروحنا

  الجميع

                 هيا بنا هيا بنا نلعب ونرقص كلنا

                  ونضحكوا ونلعبوا ونقوم نوقع بعضنا

 زعبلة     دفع البدل جبن وكسل يعر شبان

              عصرنا نمحي العدا من ارضنا

                         ونموت في حب بلادنا

الجميع                   هيا بنا      هيا بنا

                  البوري بيندهلك اسمع منه الصوت

                  بيقولك فوت أهلك واستهتر بالموت

                   احيينا سعداء وأمتنا شهداء

 
 
 

ديالوج آديني أهو جيتك بدري

 
 

  المؤدي سيد درويش و حياة صبري  والمقام   حجاز كار

 

 

حورية: آديني أهه جيتك  بدري وحدي اجري

        اسمع كده دقة     قلبي تلقاه ياسلام

 زعبلة: مع الأسف أنا مقدرشي   مادمت في الخدمة نوبتجي

 حورية" الجو راق ولافيش معنا  شيء يمنعنا

        وأي فرصة تمتعنا      غير دي ياسلام

 زعبلة: مع الأسف أنا مقدرش   مادمت في الخدمة نوبتجي

 حورية: وإن كنت اقولك         أنا يعني قوم دلعني

        يصح برضك تلطعني   كده اهه ياسلام

 زعبلة: مع الأسف أنا مقدرش   مادمت في الخدمة نوبتجي

 حورية: والله إن ماردتش علي    تبقى رزية

لاخنق رقبتي بإديه      كده اهه

 زعبلة: ياسلام  محروقة الخدمة وشغلتها

اهي باينة وعارف لبتها انا رايح أعصى بالعنية دي

دي الرقصة وياكي بالدنيا

 

نشيد تحيا الأميرة شهرزاد

 
 

 المؤدي نظلي مزراحي والمجموعة، المقام نهاوند

 

 

المجموعة             تحيا الأميرة شهرزاد          ذات العفاف والأبهة

                            اللي بقت كل البلاد  من فوق لتحت تحبها 1575;

                                                 يابختها

شهرزاد           احب اشوفكم على القلعة واقفين ثابتين     

                   وفي الميدان زي الولعة  رايحين جايين

                   واللي اشوف قوة سيفه  لازم ارقيه على كيفه

                   يركب فرس ويا الحرس ويشوف فرص يفرح بها

المجموعة             تحيا الأميرة شهرزاد          ذات العفاف والأبهة

                            اللي بقت كل البلاد  من فوق لتحت تحبها

                                                 يابختها

شهرزاد          العسكر الله يكترهم  ويقويهم

                   انا اللي اعرف مقدارهم  وارقيهم

                   واللي يبان منه القوة يبقى الوحيد عندي هوه

                   انظر إليه واعطف عليه  واديلله حاجة يحبها

المجموعة             تحيا الأميرة شهرزاد          ذات العفاف والأبهة

                            اللي بقت كل البلاد  من فوق لتحت تحبها

                                                 يابختها

 

نشيد أنا المصري

 
 

المؤدي سيد درويش ، المقام عجم عشيران

 

 

 أنا المصري كريم العنصرين   بنيت المجد بين الإهرمين

جدودي أنشأوا العلم العجيب   ومجرى النيل في الوادي الخصيب

لهم في الدنيا آلاف السنين   ويفنى الكون وهما موجودين

وأقول لك على اللي خلاني            أفوت  أهلي وأوطاني

حبيب أوهبت له روحي  لغيره لا اميل تاني  

 

نشيد أحسن جيوش في الأمم

 
 

  المؤدي سيد درويش و نظلي مزراحي والمجموعة

 المقام عجم

 

 

أحسن جيوش في الأمم جيوشنا         وقت الشدايد تعالى شوفنا

ساعة مانلمح جيش الأعادي              نهجم ولا أي شىء يحوشنا

 زعبلة 

آدي جنودنا وآدي بنودنا                  وفي الدفاع والهجوم تجدنا   

مالناش صناعة غير الشجاعة             وفي الجهاد ربنا خلقنا

 الجنود

أحسن جيوش في الأمم جيوشنا         وقت الشدايد تعالى شوفنا

ساعة مانلمح جيش الأعادي              نهجم ولا أي شىء يحوشنا

 شهرزاد

مستقبل الأمة بين أيديكم                    في الوقت ده يعتمد عليكم

ردوا آدي الشعب بيناديكم                بيقولكم احفظوا شرفنا

 

الجنود

أحسن جيوش في الأمم جيوشنا         وقت الشدايد تعالى شوفنا

ساعة مانلمح جيش الأعادي              نهجم ولا أي شىء يحوشنا

 

نشيد دقت طبول الحرب ياخياله

 
 

  المؤدي سيد درويش و نظلي مزراحي وحياة صبري ومحمد المغربي ومسيو البير وكلود ريكاتو والمجموعة ، المقام عجم

 

 

المجموعة

    دقت طبول الحرب ياخيالة     وآدي الساعة دي ساعة الرجالة

زعبلة

      انظروا لأهلكم نظرة وداع     نظره مافيش بعدها إلا الدفاع

المجموعة

   دقت طبول الحرب ياخيالة     وآدي الساعة دي ساعة الرجالة

شهرزاد                       اسمعوا الأمر الجديد         

 المجموعة                  اسمعوا الأمر الجديد       

 شهرزاد

            كلكم من تحت امر             باش سنجق داري الوحيد

المجموعة

          ليحي باش سنجق دارنا               اللى مشرف عسكرنا

قرة آدم

          اما عجايب اما تباتة           تبقى فضيحة وتبقى شماتة 

           واحد يعلا واحنا ثلاثة         لازم احنا نكون الأولى  

           قرة آدم اوغلي                  وقمع الدولة

حورية       لسه أنت يازعبلة صغار       وازاي ماتصبح سنجق دار

زعبلة      ستي الخاتون حبتني             شافتني عاقل رقتني

حورية     ياخوفي بس لتنساني              وتشوف غيري

زعبلة       وفين اروح من وجداني        واللا ضميري

الخاتون

          الحب عماهم ونسوني        وانا واقفة وشايفة بعيوني

           بزيادة يابنت ده مش وقته    خليني اكمل له درجته

          امسك ياشاطر سيف ابويا في ايديك

                         تستاهل الترقية الله يزيدك

المجموعة

      امسك ياشاطر سيف ابوها في ايديك

 تستاهل الترقية الله يزيدك

الخاتون

  السيف ده غالي وانت له تستاهل

   ده أصله سيف باب ماهواش ساهل

   سلمتهولك لما شوفتك راجل   

   تزينه لما تمسكه بيمينك

المجموعة

     امسك ياشاطر سيف ابوها في ايديك

 تستاهل الترقية الله يزيدك

 

الهارموني

 

الجيش            تنتصر وترتفع والأعادي تنخذل     

قرة آدم           وتنكسر

الجبش            روح يازعبلة انتقم وعود لنا فايز بطل

قرة آدم                كلام في كلام     منام في منام 

  

الغناء البوليفوني 

الصوت الأول:

  الميرشاه

                      موش راح ينفع    ولايتمتع ابدا ابدا  

 إن شاء الله

الجنود        راح يتمتع

  الجميع : بكره حانسمع غصب عنكم
              إن شاء الله

  الصوت الموازي:

زعبلة       دوسوا الأعادي بالقدم ماحناش في وقت الانتظار         
 واملوا رؤؤسكم  بالهمم   واملوا السماء والأرض نار

          ياعسكري اللي ينهزم       يقع في عار وأي عار

                          وإن داس على النفس وهجم

                                   ربك كفيل بالانتصار

 

البوستة جايه

 
 

 المؤدي المجموعة، المقام عجم

 

 

 الجميع: البوستة جاية البوستة جاية البوستة جاية ايوه هية

 ايوه هية ايوه هية

الساعي:        حلمكم ياولاد عليه               دانتو زغللتم عنية

        واحدة:  انا قبله شوف لي اسمي

الساعي:        من عنية وآدي اسمك           وانت ياأختي

الثانية: مكاوية

الثالثة:  شوف لي عندك اسم خضرة

الساعي:        وآدي اسمك انتي رخره اقروا ياللا وبشرونا

        وأنا راجع للخاتونه

واحدة:  نقرا  قبله الأولاني

الثانية:       ياختي سيبك لما اشوف قبله الي جاني من                               حبيبي

واحدة:  وانت ليه ياختي جوابك له علامة

أخرى: الحبيب منصور وراجع بالسلامة

الثالثة:  ياحللولي انشاء الله ياأختي

الرابعة: يبقى من بختك وبختي

الجميع: ياحللولي إن شاء الله ياأختي     يبقى من بختك وبختي

   امتى حيجونا ونطمئن عليهم     والسعادة والهنا مابين ايديهم

دول عساكرنا اللى جاهدوا وشرفونا  

   حظهم وانسهم واجب علينا

 

آدي الشمس والقمر

 
 

 آدي الشمس والقمر، المؤدي سيد درويش وحياة صبري والمجموعة، المقام شهيناز كردي

 

 

 

الجميع: آدي الشمس والقمر في          ساعة هنية

        ساعة ماجه من السفر           جوزك ياحورية

حورية: ياحبيبي غبت عني كنت                واخد قلبي مني

        كنت في الحرب ناسيني         ياترى والا فاكرني

الجميع: مين يقول انه نساكي            يامابات شاكي وباكي

        لو جابوا له الملك                       كله مستحيل ينسى هواكي

زعبلة: أنا لا الام في حبي                      يامنى روحي وقلبي

        دعوني أميل لغيرك             وأنا في الغرام أسيرك

        أنا روحي وفؤادي              بين ايديكي يامرادي

        ياحورية با ملاكي               كل ما املك فداكي

        مهجتي عقلي صوابي           ادمعي  حبي شبابي

 

نشيد الجيش رجع م الحرب

 
 

  نشيد الجيش رجع م الحرب المؤدي سيد درويش و نظلي مزراحي والمجموعة، المقام عجم والمقام نهاوند

 

 

الجميع

  الجيش رجع م الحرب بالنصر المبين   

   والدنيا هايصة والأهالي فرحانين

 بعسكر الدولة اللي عادوا منصورين

       رافعين بنادقهم وفاردين العلم

الخاتون

       تعالى ياباشسنجق دار       قولي ياروحي ع الاخبار

            قل لي الحكاية كلها                      م الابتداء  للانتهاء

زعبلة

      اول ماروحنا بالعساكر من هنا        واخدين معانا اكلنا وبمبنا

علشان ما أرضيكي        وارضي ربنا

      ساعة عساكرهم ماشافوا وشنا             هأ هأ هأ هأ

        لقينا سنجقهم جرى                     كمل بقى ياعسكري

المجموعة

        اتفركشوا زى الغنم                  للي انهزم واللي اتلخم  

         واللي وقف زي الصنم             واللي اكلها بالصرم   

                         اتاري دول عسكر عدم

زعبلة

          اول ماشفت المسألة                   مارضيتش اضرب قنبلة

             تروح خسارة في الفلا           علشان عساكر بالبلا

                      

                        لهم دقون مدلدلة وجاكتات مهلهلة   

                    

                   قلت ياواد ايه العمل مايسعفكش الا الحيل 

                اطبخ لهم نسخه سطل جبنا الطاطورة والعسل

                   وحطناهم في الحلل وحطينا الشىء على الجبل 

                          نطوا عليها بالعجل والاكل واللهط اشتغل

المجموعة

                    سبنا الاعادي مغروزين زي البصل 

                          مفيش واحد منهم وصل لاهله يحكي اللي حصل

زعبلة

                     وآدي الحكاية كلها م الابتداء للانتهاء

الجميع

    الجيش رجع من الحرب بالنصر المبين

   والدنيا هايصة والأهالي فرحانين

   بعسكر الدولة اللي عادوا منصورين 

       رافعين بنادقهم وفاردين العلم

 

هالا بتضلوا معايا هون

 
 

 هالا بتضلوا معايا هون، المؤدي نظلي مزراحي وكلود ريكاتو والمجموعة، المقام نهاوند

 

 

 

هاللأ بتضلوا معايا هوني شوية         بدي أحكي لكم قصة تاريخية

                     هالخاتون كان لها جدة اكوس منها  

                    الها عشيق كان بتحبه بقلبه ودينها

                      هالزلمة كان مثلها وهي مثله

                    زلمة قيافة بيليق لها وهي تليق له

وجه كان منيح         منيح        نطقه كان فصيح     فصيح

               منيح                        فصيح      منيح

فضت من شانه اوده              في آخر الدهليز هايدي

              نص الليل بتخشله ما بعرف شو بتعمله

          نص الليل اسمع  بيها             اسمع دبة اجريها

      اجر تشن             واجر ترن اجر تشن                واجر ترن

       هيك خطوة خطوة خطوة        هيك خطوة خطوة خطوة

             ليلة عم بيستناها                   مثل عوايده وياها

يلقى يابوي قدام عشر زلمات               في ايديهم عشر طبنجات

      كان بده يفتح تمه    جاتله رصاصة في عين امه    ياابه ياباي

             هاللأ فهمتوا هالقتله              بنسويها بزعبلة

                الميرشاه امسك اجريه         امسك اجريه

                قمع الدولة يشد ايديه            يشد ايديه

قرة آدم اوغلي في المصران  آه في المصران     آه في المصران

شهرزاد:    مالكم يارجالة واقفين   بتعملوا مؤامرة على مين

الغيظ على وجوهكم باين

المتآمرون:  ده فعل زعبلة الخاين          خلانا نصبح متآمرين

شهرزاد:    الليلة نقتل زعبلة جزاء خيانته للدولة

الليلة بيكايد فيا بايت يدلع في حورية

المتآمرون: احنا الثلاتة خدامك وحياة عظمتك ومقامك

                   لنجيب دماغه قدامك

                ونعمله كبة نية        كبة نية    كبية نية    

 

زفوا العروسة للعريس الجميل

 
 

زفوا العروسة للعريس الجميل، المؤدي سيد درويش وحياة صبري والمجموعة، المقام كرد

 

 

 

الجميع :   زفوا العروسة للعريس الجميل  زينة العرسان

ده البدر بتمخطر وجنبه تميل وردة البستان

    زعبلة :        الليلة اتهنى واشوف في المنام  قدك المياس

                وافرح ويسقيني كاسات المدام            خدك الغماز

حورية:     انت ظهر نجم صعودك             وأنا الزمان عوض صبري

                الليلة حلوة بوجود   ماتنكتبش من عمري

البنات:     يارب تجعل في ليالي السعود طالع نجمين

                واجعل سهامك في عيون الحسود واحرس الاتنين

الجميع :زفوا العروسة للعريس الجميل  زينة العرسان

ده البدر بتمخطر وجنبه تميل وردة البستان

  زعبلة:      ممنون ومتشكر لكم       إن شاء الله عقبال عندكم

                ياللا بقى من فضلكم   خلونا نقعد وحدنا

الجميع:    عايزنا نخرج كلنا؟   

زعبلة: عجايب امال نصفكم

الجميع:    بالكي العروسة تقلبك           وتشقلبك

زعبلة:      مش شغلكم

الجميع:    بقى نلم بعضنا        في الليل ونتعب نفسنا

                وتطردونا من هنا

زعبلة:      امال تباتو عندنا       اما ارازل كلكم

                                مافيش حيا في وشكم

الجميع:    طب مش حانخرج يا أمير  ولو نبات تحت السرير

قرة آدم:  إيفيت وانا أقف                       غفير

زعبلة:      ياخوانا ايه الشغل ده  هيا اللياقة تكون كده

  يعني انهاردة العرس ده         معمول لنا واللا لكم

الجميع:    معمولكم معمول لنا                اهه فرحنا كلنا

                والرك كله على الهنا               انستنا ..الله يحفظك

                شرفتنا الله يسترك                الليلة زاهية منورة

زعبلة:      أما معازيم  مسخرة               عملين لي زيطة وشوشرة

                وانا فاتحها مندرة    انجروا داهية تسمكم

الجميع:    طيب وايه يعني السبب

زعبلة:      ياللا بلاش قلة ادب ياللا اخرجوا            ياللا اخرجوا

الجميع:    طيب حانخرج

زعبلة"     اخرجوا

 

افتح ياباش سنجق دار

 
 

 افتح ياباش سنجق دار،المؤدي سيد درويش وحياة صبري والمجموعة، المقام عجم

 

 

  المجموعة:           افتح

  زعبلة :                مين؟

  المجموعة:           افتح

  زعبلة :                مين؟

المجموعة:              افتح ياباش سنجق دار

حورية:                     رجعم تاني            

  زعبلة:                    هس ماترديش

المجموعة:              افتح يالله انت وهو احسن نهجم بالقوة

زعبلة:           خير مالكم  عايزين ايه   مش روحتم   جايين ليه

المجموعة:              راجعين علشانك       اخلص اوامك

                                البس حزامك          واركب حصانك

                                عشان تسافر         مع العساكر

                                ده الجيش بحاله      رجع علينا

                                جمع رجاله             بره المدينة

زعبلة:    الليلة ليلة دخلتي يامغفلين   جايين تقلو فرحتي

               متقصدين

المجموعة:           ده اكل عيشك وواجباتك  

                          حتنسى جيشك عشان مراتك

         الامر جالك تعرف خلاصك       ياتقوم تسافر ياقطع راسك

ابو حريشه              وآدي سيف ابو الخاتونة

حورية:                 والله سيف اسود علينا

زعبلة:                  انا مسافر ياحورية يوم ولايومين

حورية:                     الله يجازي الحربية          حاتوديك فين

زعبلة:             مطرح ماتقسم قسمتي        لابد اظهر همتي

                   دي الحرب ديني وملتي        وانت روحي ومهجتي

                     إن مت انا ميهمني               الا نهار ماتحزني

    خلاص خلاص وآدي النفير       واشوف بقى وشك في خير      

 

مين كان يقول الحرب حتخلص

 
 

 مين كان يقول الحرب حتخلص المؤدي نظلي مزراحي ومسيو البير ومحمد المغربي والمجموعة، المقام عجم 

 

 

  المجموعة:

مين كان يقول الحرب حتخلص            الحرب كانت داهية ثقيلة

           عايزين بقى نشرب ونهيص  في صحة قمع الدولة الليلة

                                في صحتك ياسي قمع الدولة

قمع الدولة:             هىء      هىء    هىء

المجموعة:               مبروك الدخلة 

قمع الدولة:            ماتشربوا

المجموعة:              بزيادة شربنا 

 قمع الدولة:             الله ماتشربوا

المجموعة:              بالذمة شبعنا

قرآة آدم:              اشرب افندم اشرب جاتم 

                      خير موجود تكليف مش لازم

المجموعة:    المملكة زادت انوار لماالقمر طل عليها

       المملكة عرفت تختار              الفارس اللي يحميها

الخاتون:  ياهادي الملك ياهادي           تحرس شعبي وبلادي

             فرحانين بفرح خاتونتهم          كلهم اهلي واولادي

المجموعة:   افرحي بجلالة قدرك          يحرسك ويطول عمرك

                                انت خاتونتنا واميرتنا              أأمري وننفذ أمرك

الخاتون:  ياسلام    ياسلام

المجموعة:     ياسلام على ليلة الدخلة  ياسلام    ياسلام

                      وروايح قلع البدلة   ياسلام    ياسلام

                      والسهرة للصبحية  والنومة للضهرية

 

مالك ياباش سنجق دار

النوتة  
 

مالك ياباش سنجق دار،المؤدي حياة صبري والمجموعة، المقام

 

 

  المجموعة:   مالك ياباش سنجق مالك  ده ايه ياعم اللي جرالك

حورية: في شرع مين ياخوانا ياهوه في شرع مين ده ياسيادي

             تشحططوا جوزي وتاخدوه     وترجعوه بالحالة دي

المجموعة:  مالك ياباش سنجق مالك     ده ايه ياعم اللي جرالك

زعبلة:         خرجت قاصد ضرب النار          والحرب واعرف حركاته

                     اتوه ويرميني المقدار          في وسط راجل ومراته

المجموعة:        في وسط راجل ومراته؟

زعبلة:      راجل ولكن ندل لئيم         وله حرمه زيه لئيمة

              دخلت احييهم بسلام         ردوا علي بشتيمة

             وطلعوا لي عشر تنفار        مقسمينهم تقسيمة

           عشر كلاب بايتين جعانين       بيحسبوني تعتيمة

            وبيحسبوا طرطوري كمان      فياسكه شوف التخريمة

           وتمموا الواقعة وفتحوه        وسيف ابوكي البريمة

المجموعة:     وقعت ياباش سنجق دار    وكانت الواقعة عظيمة

زعبلة:            ميت الف داهية على الطرطور  

                    مادامت الصحة سليمة        

 

الدنيا مايدومش فيها حال

 
 

الدنيا مايدومش فيها حال،المؤدي سيد درويش و نظلي مزراحي ومحمد المغربي ومسيو البير ومنسي فهمي وكلود ريكاتو والمجموعة، المقام عجم

 

 

  المجموعة:

 الدنيامايدومش فيها حال م الاحوال    أيام تمر وتتغير دولة ورجال

قرة آدم:    قره آدم ممنون مسرور       معلوم عشان رجع طرطور

 الميرشاه:   وأنا العمل فرج همي             والله رجع لي خاتمي

قمع الدولة:   وأنا حوشت واتجوزت  

                   واتهندست وإسبحت في قلب الطشت

           ياحلولي                  ياحلولي                  ياحلولي

مخمخ:  وانا اللي طالع على الحديدة      الله يبارك لكم سعيدة

        سعيدة                     سعيدة                     سعيدة

زعبلة:        وانا ايه بس اللي نابني بعد ماشفت الهموم

                  غير عُلق قلت مقامي شوفي تقطيع الهدوم

الخاتون:  المقام محفوظ دي كانت بس غلطة

                تنصلح حقك علي اتمنى تعطى

زعبلة:      انا اتمنى الساعة دي  

     القى نفسي في بلادي  هي اولى بجهادي من محياك الجميل

     انا إن سالت دموعي  والا هبت نار ضلوعي

      كل ده طالب رجوعي  تاني للبرالأصيل

          طول مانهر النيل بيجري انا لاانذل عمري 

        وإن حكمتي أي مصري احكمي ع المستحيل

الجميع:    ياللا حيوا دي الشهامة          ياللا سافر بالسلامة

                شوف بلادك في مسرة      انت حر وهي حرة     

 
 
 
 
ا