رواية "ولو" (1918)

  تقديم فرقة  نجيب الريحاني، تأليف وأغاني بديع خيري

 

ألحان الرواية

 

الله يكتر فيكو الأوجاع    الحلوة دي قامت تعجن
 الفين حمد الله على سلامتك    يهون الله يعوض الله
تع قوللي ياشيخ قندوفلي    ع النسوان ياسلام سلم
ياللي الزمان سوى هوايلك   بالذمة ياافندية شوفتوش
حرام ياجزارين   إش يارجاله هيصم إش
 ياناس بلادي ماانساهاشي    صح النوم ماتقوم ياحبيبي
     

 الحلوة دي قامت تعجن(لحن العمال)

 
 
 

   أداء فتحية أحمد والمجموعة، المقام حجاز

 

 

العمال: الحلوة دي قامت تعجن            في البدرية

            والديك بيدن كوكو كوكو           في الفجرية

            ياللا بنا على باب الله              ياصنايعية

            يجعل صباحك صباح الخير       ياسطى عطية

فتحية: طلع النهار فتاح ياعليم            والجيب مفيهش ولامليم

          مين في اليومين دول شاف تلطيم  زي الصنايعية المظاليم

           دا الصبر امره طال               وايش بعد وقف الحال

            ياللى معاك المال        برضه الفقير له رب كريم

العمال: الحلوة دي قامت تعجن            في البدرية

           والديك بيدن كوكو كوكو           في الفجرية

           ياللا بنا على باب الله              ياصنايعية

           يجعل صباحك صباح الخير       ياسطى عطية

فتحية: اولاد اوروبا مابيناموش           عن الصنايع مايونوش

          الافرنجي دايما حلق حوش        والمصري جنبه يطلع بوش

          سبع صنايع في ايدينا              والهم جاير علينا

          ياماشكينا وبكينا         يااغنيا ليه ماتساعدوش

العمال:  الحلوة دي قامت تعجن            في البدرية

           والديك بيدن كوكو كوكو           في الفجرية

           ياللا بنا على باب الله              ياصنايعية

           يجعل صباحك صباح الخير       ياسطى عطية

فتحية: ماتشد حيلك يابو صلاح           اضربها صرمة تعيش مرتاح

  خلي تكالك ع الفتاح               يالللا بنا يالللا الوقت اهو راح

العمال: الشمس طلعت                  والملك لله

           اجري لرزقك                   خليها على الله

           قوم شيل قدومك                والعدة وياللا 

 

 يهون الله يعوض الله (السقايين)

 
 
 

 أداء  نجيب الريحاني والمجموعة

المقام نهاوند

 

 

 يهون الله       يعوض الله      ع السقايين      دول شقيانين

                              متعرفتين       م الكوبانية

خواجاتها جونا  حايطفشونا      ليه بيرازونا    دي صنعة أبونا

                             ماتعبرونا       ياخلايق

عملوها فينا     طيب رضينا    مايلزقونا        ويشغلونا

                           وينفعونا                ياخوانا

اشمعنى يعني   ياولوويني        ياكلوا الصينية   وياخدوا  الماهية

                               م الكوبانية      علاولا

وابن البلد دي   يطفح الدردي   مايتعدلشي      يمكن مايطولشي

                         يتعشى طرشي  يعوض الله

يعوض الله      ويهون الله      داحنا بنسير     حسبة بتباشير

                      وشكوكنا كتير   واهيه ماشية

يهون الله       يعوض الله      ع السقايين      دول شقيانين

متعرفتين       م الكوبانية

خواجاتها جونا  حايطفشونا      ليه بيرازونا    دي صنعة أبونا

                         ماتعبرونا       ياخلايق

دي شركة غلسة ميتها نجسة     تلقاها حدقة     وخضرة وزرقة

                        وقال ايه رايقة  دي لهجة

إخيه عليها      بيحطوا فيها    كربونات ونبيت        وفوسفات كبريت

                       وبودرة عفريت هاأوأو

يابنت ياللي     واقفة على البهلي       ماتندهي لي دي ميتي نيلي

                إشربي وإدعيلي يعوض الله

روحي الوي بوزك      في وش جوزك خليه يطير ويجيب لك زير

                وانزلي تكسير  في الحنفية

يهون الله       يعوض الله      ع السقايين      دول شقيانين

متعرفتين       م الكوبانية

خواجاتها جونا  حايطفشونا      ليه بيرازونا    دي صنعة أبونا

                         ماتعبرونا       ياخلايق

 

طقطوقة ع النسوان ياسلام سلم

بصوت إيمان البحر النوتة الاسطوانة  
 

   المؤدي سيد درويش  -   المقام نهاوند    

 

 

ع الستات ياسلام سلم مفيش كده ابدا بهجة

 ده احنا الوارثين يافندم ضاربين الدنيا طبنجة

ياحبيبتي دي ثروتي راحت ايه اللي جرالي معرفشي

ودي ساعة الحظ إن راحت ابدا ماتتعوضشي

كل الأطيان لو راحت في نظرة مانستخسرش

 نعرف جغرافيا ونحوي وحساب  وحاجات تراللي

خمسة في تسعة بستاشر وباريس في الوجه القبلي

بونجورنو ده فعل مضارع مفتوح على البحري تمللي

ودي صنعة هنري التاسع شيخ حارة في المتولي

ابجد هوز معناها بالتركي ابقى قابلني

 كده ولا بلاش يامدارس دي بلدنا بقت منخوليا

يكفانا بس نعيرها قال ايه عاملين بكالوريا

والواحدة في طبخة نابت عايزالها سبع الكخيا

مابدال التكنولوجيا يدوهم طبخالوجيا

وكلها لهجة لوجيا وأومور أونطالوجيا

 ده كلام ملاحيس مايهمش ماتتمسخرش علينا

إن شاء الله محدش حوش دي الفلوس في رجلينا

بنغني ونرقص بولكا ومزوركا ونسكر طينة

نلعب بوكر ونبقشش دي الجنيهات ملو ايدينا

إن راحت أطيان بابا البركة في صيغة نينة

 
 

تعاقوللي ياشيخ قندوفلي

 
بصوت سيد درويش النوتة  
 

  أداء نجيب الريحاني، والمجموعة، المقام نهاوند

 

 

تع قوللي ياشيخ قندوفلي      لحسن عقلي بقى ترللي

  النحل يا هوه

  إش تعمل ده الحال طول      أوعى تقول قف ده فلفل

  النحل ياهوه

  سما فيني بقشيش             سفلقة ولافيش

  وجواز وطلاق                      راح كله فنيش

  الخطابين يامسلمين            متنيلين  متخوزقين

  سلقط ملقط                       ياشيخ بهلول

  محناش لاقيين                    حق المنزول

  شبان ولاد ليام دي               متحفلطين  ومقلوظين ومزبلحين

  بيعشقم بعضهم                ضربة تجيهم في كلاوهيم

  آمين   آمين

  لابسين عياقات  مش بنطلونات  دي شمازتات  حاطين وردات

  ياحكومة بحق  العيش والملح دول هما لازم ينطسوا عقاب

  يرافقولهم نسوان قحت لايقولوا هباب ولا كتب كتاب

  الناس دلوقتي خربت ذمتها وبقت كوتش

  السلعو

  يطلقوا النسوان ستين طلقة ويقولوا معلهش

  ياشيخ ولو

  لابيعرفوا شرع  ونصب ورفع وعيشه مرع وبامية وقرع

  نازلين لهيط في القرنبيط ويقولوا آخر الزمر طيط

  يامصري قوم يكفيك غطيط     لحد امتى تعيش عبيط

  كشكش:

   بهواتنا  وبشاوتنا   بيجوزوا فرنجيات   إحم إحم

   واحنا نعقد لهم ألا مودا  بالسبع لغات

  الخطابين:

  شرم    برم

  كشكش:

   كومسيه   كومساه

  الخطابين:

   آند دي تروا     البيلي بيلي با

 كشكش:  الله   الله

  الخطابين:  اشفع   اركع   حلم   كلم   صعفص  هات فص

                 ياشيخ قبقاب

               بلا خطابين  بلا دياولو

         ياللا نشعر فابو زيد ودياب

        كومسيه   كومساه

        آند دي تروا     البيلي بيلي با

         الله   الله 

 
 

صح النوم ماتقوم ياحبيبي (بائعو اللبن)

 
الاسطوانة  
 

 ألمؤدي  حياة صبري ونجيب الريحاني، المقام عجم

 

 

الجميع : صح النوم ماتقوم ياحبيبي غير ريقك ع الحليب

              دا لبن  قشطة وحياة حبك لو داقه العيان ليطيب

ماري  :     يابيه أنا عندي          اللبن البقري

              أنا محسوبتك            بإيديه الحلوين

              أنا محسوبتك            علشان خاطري

              استفتحني               ياللا بقرشين

الجميع :  صح النوم ماتقوم ياحبيبي غير ريقك ع الحليب

             دا لبن  قشطة وحياة حبك لو داقه العيان ليطيب

لوسي :  خد لك رطلين والا تلاتة                واسقى مراتك واسقى ولادك

             دا احنا غلابة نربي يتامه       واوعى تصدق إننا وحشين

الجميع:    صح النوم ماتقوم ياحبيبي غير ريقك ع الحليب

               دا لبن قشطة وحياة حبك لو داقه العيان ليطيب

فتحية :     دي بنات مصر جمالهم عيرة    أبيض وأحمر وأبصر ايه

              تبقى قرعه حطه ضفيرة                وتقول على الفلاحة إخيه

الجميع :    صح النوم ماتقوم ياحبيبي غير ريقك ع الحليب

              دا لبن قشطة وحياة حبك لو داقه العيان ليطيب

 
 
 
 
ا