رواية "البروكة" (1921)

  تقديم فرقة سيد درويش وعمر وصفي

 ترجمها في عهد سيد درويش الأديب محمود مراد وفقدت الترجمة فأعاد ترجمتها عن النص الأصلي الفرنسي عن رواية "لاماسكوت" الأستاذ يوسف حلمي، ونظم أغانيها الفنان عبد العزيز أحمد .

 

ألحان الرواية

 

 ملخص الرواية

شخصيات الرواية:

 روكو:    عمدة القرية       بيبو:  خادم روكو وراعي غنمه

 انطونيو: شقيق روكو الغني

 بتينا: الفرارجية (البروكة) تعمل لدى انطونيو

الأمير لوران: أمير المقاطعة

فيامينا: ابنة الأمير لوران

 فرتيلليني: أمير وخطيب فيامينا وابن الكونت بيزا

ترتكز الرواية على فتاة ريفية أينما حلت في مكان جلبت السعاجة والغنى لأهله وهي الفرارجية "بتينا". وتربطها قصة حب مع راعي الغنم "بيبو".

روركو عمدة القرية يلازمه النحس ودائم طلب المساعدة من أخيه الغني "انطونيو" ، وأخيرا يرسل له أخوه سلة مملؤءة بالبيض مع "بتينا" وفيها خطاب له بسر البروكة. واستاء روكو من الهدية دون أن يقرأ الرسالة حيث اعتبر أن فما جديدا قد أضيف إليه. الأمير لوران المنحوس أيضا ، أثناء قيامه برحلة صيد مع ابنته فياميتا وخطيبها فرتيلليني يأخذوا فترة راحة في عزبة روكو ويقرأ لوران خطاب سر البروكة فيتحايل للفوز بها ويغري روكو بمركز مرموق في مقاطعته. وينجح في ذلك بعد إدعائه بأن الفرارجية هي من عائلة كبيرة ويطلق عليها اسم كونتيسة بندا. وحل الرخاء على الأمير لوران ومقاطعته. يتنكر راعي الغنم "بيبو" حبيب "بتينا" في زي فنان اسمه "سالتريللو" مع جوقته لإحياء حفل زواج فياميتا على فيرتيلليني ليخطف "بتينا". يكتشف روكو شخصية "بيبو" وينجح "بيبو" في الهرب مع "بتينا" وينضموا إلى عدوه كونت بيزا الذي ينتصر على الأمير لوران بفضل وجود البروكة معه. ويوافق "فرتيلليني" على زواج "بيبو" و"بتينا" إلا أن روكو يكشف أن الزواج يبطل فعالية البروكة فيحاولوا وقف إتمام الزواج ولكن تفشل المحاولة ويتبين أن بركة البروكة ينتقل مفعولها إلى أولادها.

 

ألحان الرواية

 كان الشيطان بيعزم يوم   إنس الهموم أنسك يدوم
ديالوج لما أشوف وش الحبيب   صوت النفير جه الأمير
البدر ده إزاي نزل   دق الجرس روكو وقلقنا
ديالوج ياحبيبتي ياحياتي   ايه مضايقك في السراية
إملا الكاسات من المداما   الأنس ده والفرح ده
ليه ياعقلي ليه ياقلبي   ياعسكر الأمير فريتلي
افتحوه يالللا حالا اكسروه
   

إنس الهموم أنسك يدوم

اللحن  
 

إنس الهموم أنسك يدوم، المؤدي حياة صبري والمجموعة، المقام عجم

 

 

انسى الهموم أنسك يدوم     واللى يلوم يفضل يعاني

المال ده ايه في الدنيا ليه     تسأل عليه ده كله فاني

ضم الكروم له عندي يوم        من بدرى أقوم اشبع اعاني

انسى الهموم أنسك يدوم                     واللى يلوم يفضل يعاني

لون العنب زي الدهب                            خلاني أحب الواد فلاني

منه النبيت معصور ياريت        كنت اشتريت وقة كماني

انسى الهموم أنسك يدوم                     واللى يلوم يفضل يعاني

 هات لي المدام                      ماتيالله امال نشرب

مد ايديك قوام                         وبعدين قوم نلعب

املالي كاس                           املالي واسقيني

اديها ياسي انطونيو واديني

وإن قلت ياراسي على بيتنا وديني

    افيفا…………افيفا…

 
 
 

 مونولوج كان الشيطان بيعزم يوم

اللحن  
 

  كان الشيطان بيعزم يوم المؤدي سيد درويش  والمقام   كرد

 

 

 كان الشيطان بيعزم يوم على ابن الناس

عاوز يجيب له نحس البوم م الديل للراس

ضرب نفير في نار السعير ابو مين يطير

جريم عليه يشوفوا ايه وبين ايديه وقفم كده

كان نيني عينهم  ياساتر بيطق شرار

جه راح لهفهم بأوامر من حاكم النار

نزلم على الأرض جماعة ملوا الهوا كله في ساعة             

سموم حسدهم لداعة واخدينها من عين الشيطان

جه ربنا اكبر منهم بعت ملايكه تجننهم

هبطوا من الجنة باديهم حظ وغنا ورحمة وغفران

فقرا هيه تغنينا  مرضىهيه تشفينا

اللي مراته شردوحة بتغجر واللا لحوحة

وعايز يتخلص منها بالراحة تبعده عنها

دي حكاية تاريخية ورواية ازلية

سامعها من ابويا وحافظها من اخويا

شوف بختك ف مراتك  زى اختك وحماتك

قلتلهم عملوها  سعدتهم لقيوها

ملناش ابدا غير بروكتنا

هي حيلتنا

 

صوت النفير جه الأمير

 
 

هذا اللحن لم ينفذ خين عرضت الأوبريت عام 1961 بحجة أن سيد درويش استبعده من ألحان الرواية، وهيpجة غير مقنعة، إذ أن كلمات هذا اللحن وردت ضمن برنامج الأغاني المطبوع لفرقة سيد درويش وعمر وصفي، ولكن تكوينه الموسيقي غير موجود.

 

 

  صوت النفير جه الأمير

الجميع     صوت النفير   جه الأمير مافيش كلام     إضرب سلام

                يحيا لوران   مدى الزمان        يعيش لوران  يحيا لوران

 روكو        عن ضميري بدى أعبر             يا أمير

                بكرة تتشطر وتتعين               مدير تبقى تمام

                إنت الأمير لوران                     سابع عشر

                سي جنابي من زمان            لم فشر

                لو كان غفير                             هات له شغير

                أما الأمير                                جيب له فطير

الجميع     أما حقه ذوقه فلاحي             إنت نايم ولا صاحي

روكو   أعمل ايه بدى أعبر يا أمير  حاكم العبد الفقير حي الضمير

                لما شفتك بع ماسمعت النفير

                قلت يحيا ابن الأمير ابن الأمير

لوران       لا.برافو                    باعه في التشبيه طويل

الجميع     النفير       جه الأمير مافيش كلام  إضرب سلام

  يحيا لوران               مدى الزمان  يعيش لوران  يحيا لوران

 

 ديالوج " لما أشوف وش الحبيب" "المغازلة"

 
 

المؤدي سيد درويش وحياة صبري  المقام حجاز

 

 

 بيبو بتينا    لما أشوف وش الحبيب     ما أعرفش ليه ركبي تسيب

بيبو           أنا كمان الكهربة                تلدعني زي العقربة

بتينا          من نظرتك قلبي يدق أعمل له ايه بأقول الحق

بيبو           لما أسمعك تتكلمي          ما أعرفش أيه بيغزني

 

بيبوبتينا     لما أشوف وش الحبيب     ما أعرفش ليه ركبي تسيب

بتينا          أحب أنا فراخي السمان     ويلذني صوت الحمام

                لما يقول

                بغبغ بغوا بغبغ بغو بغبغ بغو

بيبو           أحب خرفاني التخان   ساعة مايرعوا في الغيطان

                مااسمعش منهم إلا

                ماء   ماء    ماء  ماء

بتينا          أحبك أكتر من الفراخ

بيبو           وأخبك اكتر من الغنم

بيبو وبتينا  لما أشوف الحسن ده أقول مفيش أبدا كده

بيبو           لما عنيكي تبصلي                     ابقى تملي اتأملي

بتينا          لما تقرب ناحيتي                       أتخض خضة فرختي

بيبو           لما تجيني في عشتي              أرعاك زى نعجتي

بتينا          أحب أنا فراخي السمان             ويلذني صوت الحمام

                لما يقول

                بغبغ بغوا بغبغ بغو بغبغ بغو

بيبو           أحب خرفاني التخان   ساعة مايرعوا في الغيطان

                مااسمعش منهم إلا

                ماء   ماء                    ماء  ماء

بيبو           أحب أن يامهجتي                       جسي هنا يابهجتي

                ياربنا دي نعجتي                 عاوزة الهنا في عشرتي

                خليها لي كلها                           وكل قلبي إديه لها

بيبو وبتينا:                 وأنت عالم يا إلهي

 

دق الجرس " التحايل "

 
 

 المؤدي حياة صبري وعمر وصفي ومحمود رضا والمجموعة المقام نهاوند

 

 

  الجميع  دق الجرس روكو وقلقنا     ساعة الجرس دايما بفلقنا

عاوزنا ليه بس ياسي روكو

لوران       إحنوله رؤوسكو إحنوله رؤوسكوا

الجميع     ده ايه ياروكو بقيت مكرم       دا إيه دا كله

وركو        ولسه أسخم

الحاشية  تعا بوس إيده قوام لتندم        تعال قرب

روكو        ياناس راح أورم

لوران       مين فيكم اسمها بتينا

الجميع     نندها

لوران       خليها تجينا

الجميع بتنيا.. بتينا.. بتينا

                بتينا شوفي حالك  احترسي خدى بالك

بتينا         ليه بس عاوزني     وأنا ضرسي مآلمني

لوران       ياعزيزتي                ياحبيبتي

الجميع     ياعزيزته                  ياحبيبته

لوران       ياعفيفة                   ياشريفة

الجميع     ياعفيفة                   ياشريفة

دي ندامة     دي صدامة         دي لطامة        دي خدامة

لوران       غلطان     غلطانة    غلطان     غلطانة

بتينا واحدة من الأشراف        بنت أصيلة

الجميع     بنت أصيلة

لوران       ابوها دوق وامها كونتيس      عيلة تقيلة

الجميع     عيلة تقيلة

لوران       اسمها بندا

الجميع   اسمها بندا

لوران       اسمها بندا

الجميع     اسمها بندا

لوران       في السراية           مركزك     ست ست الكل دول

بتينا         بس كلمة أحب        افولها

روكو        متفوليش

بتينا         لأ أقول

لوران       عايزة ايه                 قولي بس

بتينا         عاوزة بيبو

الجميع     هس هس

بتينا         دا حبيبي وانا احبه                 ما أقدرش على بعده

داحياتي لازم أخده         ما أقدرش على بعده

الجميع     دا حبيبها دا حبيبها                  ياخسارة آدي عيبها

   لا وروكو كمان ماشي معاهم     غره المقامات حبه عماهم

    غره النشانات عره الأموال    هي السعادة بقلب الحال

     أقعد ويانا وكون فايق             يهدا بالك وتعيش رايق

      يمكن سنيور من عيشته يغوريمكن فلاح وضميره مرتاح

                         لابالرتب                  ولا بالنشانات

 

البدر ده إزاي نزل " جواب غرام"

 
 

  المؤدي مجمود رضا والمجموعة ، المقام حجاز

 

 

  النبلاء    البدر ده إزاى نزل          ع الأرض ايه الحسن ده

                حتى الأمير دايما يغير      وعقله والله راح يطير

                اللي خدت منا العقول      وحيرتنا في أمرنا

                نبعت لها جواب غرام باللي حصل في قلبنا

                واحد يحوزمنها الرضا   بدال مانخسر بعضنا

لويديجي   مين اللي راح يكتب لها     جواب غرام نديه لها

انجيليو      أنا اللى حاكتب

الحاشية    ايه تقول

أنجيليو      أقول ياحتة من الفؤاد

 النبلاء     لأ مش كده لازم نقول كونتستي ياشمس البلاد

انجيليو      كونتستي ياشمس البلاد

 النبلاء     بعد السؤال عن صحتك

انجيليو      عن صحتك

 النبلاء     عاوزين نقول لحضرتك

                اختاري واحد مننا       إلا احنا دبنا في جزمتك

                يالله نوقع كلنا             أسماءنا يمكن رببا

                يجعلها من بختي أنا   يارب أنا      يارب أنا

                     أجعلها من بختي أنا

(يكون روكو قد ظهرا من الخلف وتتبعا كتابة الخطاب)

لوران         قفشتكم

  النبلاء     جه الأمير

لوران         بتخبي إيه أه يامكير

                جوابات ياغجر                             بالحب كمان

                ولمين؟ للكونتيس                     آن ياتيران

 النبلاء      أبدا ياأمير                                  مفيهاش حاجة

                بس بنتعلم                                في كتابة

لوران         طيب طيب

         والله إن كنت راح أسمعكم    تشكو لها الحب راح ادبحكم

الجميع      معلهش النوبة النوبة               معلهش النوبة النوبة

 
 

ايه مضايقك في السراية "المباغتة"

 
 

 المؤدي سيد درويش وحياة صبري ومحمود رضا والمجموعة المقام عجم

 

 

  الوصيفات       ايه مضايقك في السراية

بتنيا                 سيبوني  سيبوني

لوران              ايه جرالها ياصباية فهموني فهموني

الوصفات         إيه مضايقك في السراية

 بتنيا                 سيبوني  سيبوني

لوران               عاوزة إيه فوليلي بس

بتينا                  خد وشوف أمسك يدس

لوران               آديلك اللي تطلبيه

بتينا                 عاوزة لي رهوان أجري بيه

الجميع             لأ لأ ياستي بندا                حقه كله إلا دا

                       شىء يكون فيه الردى      تعبنا كله يروح سدى

بتينا                  طب أعوم في البحر يوم

الجميع             لأ لأ ياستي بندا                حقه كله إلا دا

                       شىء يكون فيه الردى      تعبنا كله يروح سدى

بتينا                  حصيرتي وبرشي             وعدسي وعفشي

                       في قصوركم ماافعدشي   روزبيفكم ما اكلشي

                       وعيشي الفلاحي            فيه راحتي وفيه راحي

لوران              إدوها اللي تحبه

بتينا                 مااطلبش إلا بيبو

الجميع            لأ لأ ياستي بندا                حقه كله إلا دا

                     شىء يكون فيه الر         تعبنا كله يروح سدى

(تدخل فرقة الفنانين وبعدهم بيبو (متنكرا)

وبعدهم رجال الحاشية)

الفرقة             سلتاريللو سلتاريللو             هو سيد الفن كله

                       سلتاريللو سلتاريللو             هو سيد الفن كله

بيبو                  بتينا أنا بيبو

  (غناء بوليفوني (هارموني) أثناء غناء الجوقة سلتاريللو ..الخ)

بتينا                 أهلا باللي أحبه

بيبو                  في أودتك إبقى استني

بتينا               آه يامجنني

بيبو               سيدى الأمير إحنا فداك         من الردى شفنا كده

                     ست الهنا جتك هنا               اليوم دنا من ده لده

الفرقة            سلتاريللو سلتاريللو              هو سيد الفن كله

                     سلتاريللو سلتاري                 هو سيد الفن كله

  غناء بوليفوني (هارموني)

بيبو               بتينا أنا بيبو

بتينا              أهلا باللي أحبه

بيبو               في أودتك إبقى استني

بتينا              آه يامجنني

الجميع          فول لنا وصف الطبيعة

بيبو               حتة صعبة

الجميع          معلهش

 بيبو               إزاى اقولها مش خليعة

  الجميع         معلهش

بيبو               جد خالص               

لوران             أمرنا لازم تقولها

بيبو               الرد خالص

السيدات        دا ماله ومالنا                    بيبحلق حاياكلنا

الجميع          بيمثل ياعبيطة                   ناوليه البرنيطة

(موسيقى الطبيعة)

الفرقة          سلتاريللو سلتاريللو             هو سيد الفن كله

                    سلتاريللو سلتاريللو            هو سيد الفن كله

  غناء بوليفوني (هارموني)

بيبو              بتينا أنا بيبو

بتينا              أهلا باللي أحبه

بيبو             في أودتك إبقى استني

بتينا          آه يامجنني       

 

ديالوج ياحبيبتي ياحياتي "لقاء الحبيبين"

 
 

  المؤدي سيد درويش وحياة صبري المقام عجم

 

 

  بيبو          ياحبيبتي ياحياتي                  إمته بقى تبقي مراتي

بتينا         لك حبي وفؤادي                    لك قلبي وودادي

بيبو          حطي إيدك في إديه        وحطي عنيكي في عينيه

                بتينا  بتينا  تحبيني؟

بتينا         أحبك

بيبو          بتينا  بتينا        أنا خايف تنسيني

بتينا         شوف قلبك

بيبو          تهربي؟

بتينا         وياك

بيبو          أنا بيبو

بتينا         عرفاك

بيبو          في أودتك استني

بتينا         آه ياللي مجنني

                خايفة ليشوفونا

بيبو          إزاى يابتينا

                في بلدنا ممثل يعرفني         من عنده بدلة يسلفني

                في أودتك إبقى استني

بتينا         آه ياللي مجنني

بيبو          ياوفية يا أمينة                        يادرة ياثمينة

                يارب نجينا                               وخليلي بتينا

 

 الأنس ده والفرح ده "اختطاف البروكة"

 
 

   المؤدي سيد درويش وحياة صبري ومحمود رضا ونعمات والمجموعة، والمقام عجم

 

 

  الجميع     الأنس ده والفرح ده               شفناش كده في عمرنا

                بنت الأمير في وسطنا           زي اقمر يابختنا

فيامتيا     فين خطيبي فين حبيبي؟

الجميع     فيلا روزا أهو جي

بيبو          (يدخل) أديني جيت

الجميع     يامرحبا

بيبو          أهل الهوى متعذبة

لوران       آدي زوجتك ياعزيزي              أما أنا وزجتي أهي

الوصيفات زوجته دي؟ دا شىء عجيب!

بتينا         أيوه زوجته أيه يعيب

الجميع     عيب مفيش عيب مفيش        بس إنت ماتليقيش

لوران       إخرصي انت وأخرص انت       دا الخرص لكم دوا

                يافياميتا ع الكنيسة                نعقد العقدين سوا

الجميع     هي زوجته واخنا مالنا           واحنا مالنا واحنا مالنا

                واخنا مالنا واحنا مالنا            طب واحنا مالنا

بتينا         (بيبو يقترب منها)بتميل لغيري

بيبو          تخوني عهدي

بتينا         ماتشوف ضميري

بيبو          ليه نسيتي ودي

بتينا         أبدا ابدا

بيبو          أنت هنا ليه

بتينا         أنا هنا كونتيس

بيبو          مش عيب

بتينا         على ايه

بيبو          تعملي متريس

بتينا         أبدا أبدا

                أنا لك أحلف

بيبو          نتجوز حالا

بتينا         كلي لك

لوران       مش يكفي بقى اللي عملتوه

                إنت ياكونتيس وانت يامعتوه

                صفا دون قدامي انتم الاثنين

بتينا وبيبو   احنا الاثنين بس اعفينا           قول للباقي اتفضلوا بينا

بتينا و بيبو     لا إن كنت حاتتنازل                وتحوز بيبو لبتينا

لوران       إزاي يعني

بيبو          هي حرة راح تتبعني

                حأخرج بيها

لوران       امسكوا الاثنين

بيبو          أنا أحمبها

بتنيا         تعرفش تعوم

بيبو          زي الفلين

بيبو وبتينا   ياللا ننط في  الترعة دي   

                 م  الناحية دي م الناحية دي

لوران (للجميع) إمسك      إمسك     إلحق  إلحق

لوران  ماخلاص نطم   جاتكم نيلة ورحع لي النحس مافيش حيلة

                اخرجوا برة      اخرجوا برة       اخرجوا برة

 

إملا الكاسات من المداما "الاحتفال بالانتصار"

 
 

  المؤدي المجموعة، المقام نهاوند

 

 

  الجميع

إملا الكاسات          من المداما       اشرب وهات اسقى الندامي

خمرة كريز             حاجة تمام             لونها فريز من غير كلام

الاحتفال بالانتصار  هو الحمال  هو الفخار

فيه الكاسات      تحيى النفوس         مافيش حياة من غير كؤوس

إملالي الكاس    إعدلي الراس         كتر لا باس     دا الخمر كتير

تطلب ودي   اشرب وادي      كاس على قدي      بلاش تقطير

إن كنت تحب   اتقل لاتطب     دا بحر الحب       مالهش كبير

هات لنا خمرة    بيضا وخمرة  

  ونهيص مرة     دا الوقت قصير            

 

ياعسكر الأمير فريتلي، "حكاية أورنج تانج"

 
 

 المؤدي محمود رضا والمجموعة، المقام عجم

 

 

  لوران    روكو     فياميتا

 الجميع      ياعسكر الأمير فريتلي يا أهل حزبنا

                تعا اما نرقصوا مادام كسبنا حربنا

  الثلاثة    يا أهل الخير شوفونا إحنا الثلاثة كلنا

الجميع     إنتم مين وايه بس اللي كان جابكم هنا

الثلاثة      احنا الثلاثة شحاتين

الجنود     يحنن ربنا

الثلاثة      طيب نغنو لكم شوية تسمعو لنا

الجنود     غنوا لنا دور أورنح تانج واشفوا غلنا

الثلاثة      الغنوة اللي عن لوران دي عيبة في حقنا

                كان زمان فيه قرد سايب       قالوا عنه أورانج تانج

                واسمه لوران الأمير               له وزير لكن حلنج

                والوزير ده اسمه روكو حب مرة ينصحه

                قام وقاله قوم نخارب              كونت بيزا نضحضحه

                جه فرتي أكبر عداه                شاله ع الأرض ورماه

                قام يبرطع سي لوران            ومن وراه روكو الحصان

                فيه جوايز فيه هدية                م الفرنكات ربعمية

                                للي يمسك اورانج تانج

 

 ليه ياعقلي ليه ياقلبي، "بين عاطقتين"

 
 

 المؤدي سيد درويش وحياة صبري وعمر وصفي

 ومحمود رضا والمقام نهاوند

 

 

  بيبو          ليه ياعقلي ليه ياقلبي           تحيروني في وسطكم

              كبر المقام والا الغرام      أحسن لي قولوا في عرضكم

بتينا         كنت فين وأنابنادي                 بتعاندني والا ايه

بيبو          ياحياتي إزاي أعاندك

روكو        آه يابارد قلنا ايه

بتينا         انت حتاخدي في دوكه

روكو        لما أقول لحن البروكة

                كان الشيطان بيعزم يوم        على ابن الناس

                عايز يجيب له نحس اليوم       م الديل للراس

                ضرب نفير نار السعير

لوران       لحن المعازلة بدون تأخير       يمكن يفيده في التفكير

          لما أشوف وش الحبيب          ما أعرفش ليه ركبي تسيب

                أنا كمان الكهربة              تلدعني زي العقربة

                من نظرتك قلبي يدق      أعمل له ايه بقول يحق

                لما اسمعك تتكلمي        ما أعرفش ايه بيغزني

               لما أشوف وش الحبيب          

    ماأعرفش ليه ركبي تسيب

غناء بوليفوني (هارموني)

بتينا         ماتياللا بينا

بيبو          استني حبه

بتينا         ايه جرالك

بيبو          بس رجلي

بتينا         مالها رجلك مالها رجلك

بيبو          منملة                      إنت السعادة والهنا

      انت مرادي والمنا   كل الحلاوة واللطافة والجمال ليه أنا

معا          ويا الحبيب عيشي يطيب

بيبو          يكفبي مانيش عاوز غنى

بيبو وبتنيا  ياللا بينا ياللا بينا  دي السعادة بتنادينا

روكو        إبرد شوية إبرد شوية إبرد

بيبو          ده عقلي راح يطير

لوران       توتوت      توتوت      توتوت   توتوت

روكو        إبرد بقى باظ النفير

بتينا         سارح في ايه

بيبو          ماعرفش ليه

بتينا         (غاضبة) طيب راح ادخل غرفتي    وإياك تقرب ناحيتي

                تستاهل إني أضربك          كفين ولازم أهجرك

لوران       يافرحتي يافرحتي               بكرة حفوز بعزبتي

بيبو          ياربي أشكي لك أموري        أديني واقف بين إيديك

     خاضع لأمرك راضي بحكمك   الهمني صبرك يارحيم            

 

افتجوه يالللا حالا اكسروه، " لحن الختام"

 
 

 المؤدي سيد درويش وعمر وصفي ومحمود رضا

 وعبد العزيز أحمد  والمجموعة، المقام عجم 

 

 

  فرتيلليني                إفتحوه إفتحوه          يالللا حالا اكسروه

الجميع                      افتح يابيبو الباب قوام           

لوران                          اكسروه   اكسروه

الجميع                        استنى اهم بيفتحوه

لوران                          مافيش كلام مافيش كلام

بيبو (يفتح لهم وهو يحمل زهور البرتفال في يده)

                                 الدوشة دي ليه عندنا

فرتيلليني اسمع يابيبو امرنا    هات البروكة اللي هنا

بيبو                            في شرع مين؟

فرتيلليني                  في شرعنا

بيبو          أما نكته دي مراتي      إزاي تاخدها دي حياتي

الجميع     ياأمير شرط البروكة               الزواج يبطل عملها

                والسعادة اللي كانت فيها     ترجع في عيالها

فرتيلليني   ياخسارتها  يعنى ضاعت

بيبو          أنا يكفاني جمالها

فيرتي     البكري ليه

لوران       لأ ليه

بيبو          البكري لك

فيرتي     والثاني ليه                             إن كان ولد واللا بنية

الجميع     يابخت كم عنده بروكة             تفضل حياته مبروكة

                بركتها لو ضاعت منه               ضروري ترجع ف عيالها

                والليى له قسمة في حاجة   مهما كان لازم ينولها

 
 
 
 
 
ا