كله من دا  (28-7-1918)

 تقديم فرقة نجيب الريحاني، تأليف  بديع خيري

اشترك أمين صدقي بلحن واحد هو ياحماري ليه بس مرخي ودانك، كما اشترك ابراهيم فوزي بلحن : يادرة نيلي.

 

ألحان الرواية

 

م الصبح نسقف بإيدينا

  أياحليله ياحليله
يابنت ياللي حبك  

مونولوج ياحماري ليه

كيم يو أصناف طبختم   جاي تبصبص يا اقرع
داحنا مشايخ الحارات   يادرة نيلي يامشوية
نحن أنصار الدراما   طقطوقة يابو عبده
طقطوقة غربال ياللي بلا غربال   فين يابقف انت المعالق
طقطوقة هز الهلال ياسيد (الموظفين)
 

المنزولجية (يابو عبده قول لابو حمده)

بصوت سيد درويش الاسطوانة  
 

 المؤدي سيد درويش،تأليف بديع خيري  المقام عجم

 

 

يابو عبده قول لابو حمده      ينده كعبوره وحكوره آدي ملك الجن

اللى له حاجة يحكي له عنها     يقلب له كيان أيمانها من غير مايون

بقى برضه أصول محاسيبك دول   يفضلو على طول من غير منزول

معناها بلا أفيه ولامؤاخذه            اتحفنا بلحسه تكون لذه

اسم النبي أحسن حافضينك          سيد العارفين ينصر دينك

 ياحدقة ناكلها بدقة ناكلها ببصله

  أهي لقمه وبس تحشي المصارين

ربنا مايخليه لنا في ايديه  المنزول  اللي يفرفش أيوه الله أمين

وسكي ماوسكيش وحشيش ماحشيش

 ياخي ده ده مافيش زي دي تغانيش

خربت عمرت طلعت نزلت         كسبت خسرت فتحت قفلت

طظ في ابو مين الدنيا دي               طول مانا موزون وزنه سجوريا

 مابيفلقناش ولايفقعناش     إلا اللي عامل فلوطه وياخد كوكايين

ماهو دا من دا برضك ياسيدنا

 بس دا منزول شغل أوروبا أما دا وطني

حتى الفرنجة في الكيف بريه       هيا الأمزجة فيها باشا وبيه

خمرةميت كوكايين ميت                وسكي ميت   منزول ميت

اختار لك موته وطنية                      أحسن من الموتة الأفرنجية

 

الموظفين (هز الهلال)

بصوت سيد درويش الاسطوانة
 

  أداء سيد درويش

 

 

هز الهلال ياسيد   كراماتك لاجل نعيد

يكفي اللي حصل      كام يوم ووصل       بقى زرع بصل

هديت واهو راق الحال  ورجعنا للأشغال

دا الموظف منا   مش وش خناق ولاشومه

لما يحمر عينه والا   يقوم له قومه

حد الله مابيني وبينك  غير حب الوطن ياحكومة

هز الهلال ياسيد  كراماتك لاجل نعيد

عشرين يوم راحو علينا   إن شا الله ياخدوا عنينا

بس المقصود       يبقى لنا وجود      والدنيا تعود

ياما شفنا م الستات   طلعوا وعملو مظهرات

والكناسين رخرين راسهم  والف مقشة

مايكنسو بس كنسه   ولا يرشو رشة

والصنايعية راحم جايبين   ضلفة أحسن ورشة

هز الهلال ياسيد   كراماتك لاجل نعيد

الغلب اللي شاربينه   ياريت العالم شايفينه

دي ماهية ايه     الكام جنيه        ياخواتي بريه

من خمسة منه تروح   وبقيته تقول ابوح

وبسلامتها الست بتاعتي   ماتتوصاشي

ولاتولدليش في البطن إلا  بالجوزعلى الماشي

وييجي الجزار والخضري   والبقال ينعلو ابو خاشي

هز الهلال ياسيد    كراماتك لاجل نعيد

مستخدم الايام دي       ذمة مفيش أحسن من دي

بليسنسيهات ودبلومات يرطن بلغات

في الشغل ياسيدنا البيه ثمانين مايجيبوا ايديه

مفيش إنااسفقتاكم زي ماانت راسي

ماحتاس حبة بلاليص حطينها فوق الكراسي

بكره المولى يعدلها وفي الدنيا دي عمرك ماتقاسي

هز الهلال ياسيد   كراماتك لاجل نعيد