رواية "أم 44" (1922)

  تقديم فرقة علي الكسار و أمين صدقي  

أغاني أمين صدقي

 

ألحان الرواية

 

ياحلاوتك والقفص تحت بطاطك   تعاشوفي البيت ياختي يابطة
طقطوقة أديك أهو نلتها يابو زقزوق   مين زي مصر بلادنا
ديالوج ياللي جفاك سبب كربي   طقطوقة ياعشاق النبي
ديالوج الله على شكلك وحلاوتك   ياهادي ياهادي
إوعي تصدق يابيه
     

طقطوقة ياعشاق النبي

 
اللحن  
 

  أداء سيد مصطفى ، المقام هزام

 

 

ياعشاق النبي صلوا على جماله

 دي عروسة البيه تعالوا بنا نسندهاله

آدي نور جمالها أهو هل هلاله          ياهنيه للي ينولها ياهنيه ياله

ياقمر منور  سبحان من صور  

جوليت وسفيرة عزيزة مين ده اسم مزور

 مين شاف كده بني آدمين                راح تطلعي وحشة لمين

دي الأم لون الياسمين                       والأب عريض وسمين

ياسلام ياحتة سكرة                          ياترياق اللي معكره

ياعريسها يازين مانتقيت

ياعشاق النبي صلوا على جماله

 دي عروسة البيه تعالوا بنا نسندهاله

 عريسك من يومه بيه ملو هدومه

   اتهني به وافرحي به كيدي اللي يلومه

فنجرته دي كلها ايه                           بحبوح اسم الله عليه

يبدر بالألف جنيه                               تقوليش ملاليم في ايديه

إنشالله تمللي سبهللي                    على حسك انتي يافللي

ياجنان ياناس على دا تواليت

ياعشاق النبي صلوا على جماله

 دي عروسة البيه تعالوا بنا نسندهاله

 والله براوه يافامليه نقاوه

  خلفتوا وطلعت خلفتكوم حمار وحلاوة

دا عريسك سيدنا البيه                   ليه ماتدوبيش فيه ليه

علشان ماتاخدي عنيه                   صوني عرضه وحافظي عليه

دا شى مافيش فيه التباس                صيانة عرضنا ياناس

لمجدنا أكبر أساس

 ياعشاق النبي صلوا على جماله

     دي عروسة البيه تعالوا بنا نسندهاله

آدي نور جمالها أهو هل هلاله          ياهنيه للي ينولها ياهنيه ياله

 

ياهادي ياهادي

 
اللحن النوتة  
 

 أداء محمد البحر، المقام  جهار كاه

 

 

 ياهادي ياهادي اجلي مزاجك يابو زقزوق الليلة دي

يابن حارتنا يانوارتنا حتى بناتك جه بخت أجوازهم نادي

 دوروا متخلوش مزيكة ألا متجيبوهالنا تدق لنا

عشرة فولكا الني يامريكا ده الحظ اليلة يحقلنا

المسألة هاصت               ابسطها ياباسط

ليلة صباحي وقعة زلابيا للآلاتية وولاد رابيا

واهو بنت فبنت تزفوهم وانجلي يابو مرزوق يا أبوهم ياهادي

ياهادي ياهادي اجلي مزاجك يابو زقزوق الليلة دي

يابن حارتنا يانوارتنا حتى بناتك جه بخت أجوازهم نادي

 الشكل بولاقي لكن خايل بشوات مين ده انت باشا وحتة

واشحال بقة لما تتخايل ووراك بدل المحسوب ستة

بكرة الموبيليا تيجي من مرسيليا

ليه        لاهو نجار مصر ايده قصيرة ولاصنعته ناقصة تمدن

والنبي لو ترسي على حصيرة ولاحوجة لمرسيليا ولندن ياهادي

ياهادي ياهادي اجلي مزاجك يابو زقزوق الليلة دي

يابن حارتنا يانوارتنا حتى بناتك جه بخت أجوازهم نادي

 ده يبقى نهار عال وكويس لما تتهنى بعروستك

وتيجي تقولك عشرة ياريس يالليى في وجودك وفي غيبتك

اسمك مايروحش من بالنا لو راحت روحنا واموالنا ياهادي

ياهادي ياهادي اجلي مزاجك يابو زقزوق الليلة دي

يابن حارتنا يانوارتنا حتى بناتك جه بخت أجوازهم نادي

 
 
 
 
ا