الطقطوقة

هي أبسط أنواع الغناء وتتألف من مذهب يردده الكورس ومجموعة أغصان ينفرد المغني بأدائها. وكانت الطقطوقة متشابهة اللحن، ثم استغنى عن الكورس واستعاض عنه الملحنون باللزمات الموسيقية.

 لحن سيد درويش العديد من الطقاطيق، أمكن حصر 132 طقطوقة، ولكن الكثير منها مفقود.

ونورد بعض من أشهر هذه الطقاطيق. 

 

  ا  |ب |ت   |  ث |  ج |  ح |  خ |  د |  ذ | ر |  ز | س |

 ش |  ص |  ض |  ط | ظ  | ع |  غ |  ف |  ق |  ك |

 ل |  م |  ن | هـ | و | ي 

       

احنا افندم تجار الاعجام

بصوت إيمان البحر النوتة  
 

من الحان رواية "إش"، 1919، تقديم فرقة نجيب الريحاني

 تأليف وأغاني بديع خيري

المؤدي نجيب الريحاني والمجموعة،  المقام نهاوند

 

 

احنا افندم تجار الأعجام   حضرنا من شان جبت بضاعة تمام

بيعوا أنتيكات بيعوا مقويات بيعوا منعنشات حاجات محتاجات

من شان سواحين من شان سواحات

آه       آه       آمان

سجادة بساط عليه السلام مافيش واردات من بلاد أعجام

مادام فيه حروبات سكة مقطوعات

 ميرزاخان مسكين كان يكسب جنيهات

دلوقت أفندم مش لاقي لقمة مش لاقى هدمه

آه       آه       آمان

 فيه عندي منزول يسطل عشرة يوم

 إذا كان دقوا طبول مش إصحى م النوم

إمسك حبة نشوق ضيعهم ميات       إمنع عكوسات إمنع تعكيسات

طلع لك عفاريت بتاع الستات في واخد ساعات

آه       آه       آمان

 شيش بيش دوسة جهار محبوسة جلبهار 

 فلتو العيار يابتوع مولد الفار

يطلعم بالليل واللا بالنهار  لابسين لي طراطير مواجير واللا زيار

حمص لب فشار جاتكم نايبة عشار تيجي سبع تمتار

آه       آه       آمان 

 

آدي ست الكل

بصوت الكورال النوتة  
 

من الحان رواية "راحت عليك" - 1920

تقديم  فرقة علي الكسار، تأليف وأغاني أمين صدقي

 المؤدي سيد درويش وحياة صبري -   المقام سيكاه

 

 

  الجميع    آدي ست الكل زي الفل ملحة في عين اللي ما يصلي

  شوفوا حلاوتها   شوفوا لطافتها     حقة لاتقول لي ولا تعيد لي

 

 غندورة         أيه فايدة العز وجاهي           والقليب مجروح

                ايه فايدتي بحسني ياحسرة      وأنا فين راح  أروح

                العزوبية ياهوه بتحرق قلبي     ليل ونهار يادي المرار

الأولاد          مين ينكر إن دي أموره         يابخت من فاز بجوازها

                آيات جمالك دي صورة         العز والجاه بروازها

 

الجميع   آدي ست الكل زي الفل ملحة في عين اللي ما يصلي

   شوفوا حلاوتها     شوفوا لطافتها      حقة لاتقول لي ولا تعيد لي

 

غندورة        العزلية يمنع عني                  لذتي دا تبات

                  لازم أنا أفرح بشبابي             دي الحياة لذات

                  مهما كبيرنا احنا نفوسنا         خاضعة للشهوات

                                         دي استعدادات

الأولاد           الشهوات ليها حد                نفوسنا لازم نراعيها

                   وناموسنا ليه إنتو                يارؤوس ياكبيرة

                   ماتكونش ليه نفوسكو         كبيرة ليه ليه ليه

غندورة         لو كانش مركزي كده عالي      كنت انا اتهنيت

                    وكنت حرة وعلى كيفي         رحت وللا جيت

                     ياريت ماكنت برنسيسة           ولاكنت عليت

                                           ياريت ياريت

الاولاد   ياما فيه من العينة دي كبار        فلوس كتير ولافيش حرية

                  لما نكون فقرا وأحرار            آدي السعادة الأبدية

 

اسمع ياعاقل (المجانين)

 
 

من الحان رواية "رن"، 1919، تقديم فرقة نجيب الريحاني

 تأليف وأغاني بديع خيري

 المؤدي المجموعة، المقام جهار كاه

 

 

اسمع ياعاقل عن إذنك  كلمة في ودنك  خايفين نقولها تسب الدين

حزقانا وحياة راس ابله  هات لنا طبله   واسمع بتنجان المجانين

إحنا اللي مجانين والا انتو      بصوا بعينكو الشرق    فين ياشرقيين

دايرين على حل شعوركم     أماأموركو    ترم ترم ترى تم تم تيم

دامين حايقرا مزاميرك   ياداوود غيرك    ماحد قال لك انت فين

ياللا انجلي يامو بعجر    داحنا حانجعر   تجعيره مكن عيار تمانين

والبيه مادام وراه النسوان   قول يارحمن   عالفدانين اللى فاضلين

اخوك تقيل قد ماتقدر    لما يسكر   يسقى في شربة كوكايين

                            ترم ترم تري تم تم تيم

ننادي ونقول ياعدوي    ياللا يابدوي       ماتدلنا عاللي تايهين

البنت تحلف بعنيها       إلا عنيها             مايريحوها إلا ابصر مين

إن كان دا عدل في شرع الله يفتح الله

 الفين سنة لقدام واحنا المجانين

نكتب ونختم على روحنا   اننا روحنا     لكو انتو دين واحنا لنا دين

                           ترم ترم تري تم تم تيم

شرف عرف سلامو عليكو  البركه فيكو     تعيشو فين هي القوانين

بسلامته في حضن الهانم    تنه نايم        أما الفايظجية صاحيين

تقول له الجد يقول صهين سيبني فين أهل البلد دي موش فايقين

تسعه وتسعين في الماية  بوكاريستيه   إحم إحم شوفوا العاقلين

                            ترم ترم تري تم تم تيم

 

اشمعنى يانخ الكوكايين كخ (الكوكاينجية)

بصوت سيد درويش الاسطوانة  
 

من الحان رواية "رن"، 1919، تقديم فرقة نجيب الريحاني

 تأليف وأغاني بديع خيري

أداء سيد درويش  -  المقام نهاوند

 

 
    اشمعنى يا نخ الكوكايين كخ                     دا أكل المخ       
 هلكنا اعمله على غيرنا
ر   ايح لي تطخ وجاي تبخ                       شطب هو أنت شريكنا
حتى في مناخيرنا
أيش عرفك انت يادونكي                       المدعوقة دي بخنقتها
               بتكلفني كوكايين كام في ليلتها
ياماراح قناطير جواها                من القزايز إياها
صحة ماصحة   لا إله إلا الله ها ها.. هاها راحت مورتو
العايز أهبل ياخواجة زنفل   يروح ابو زعبل   وأبوها علشان تنشيقه
ولاخمسة جرام ولاعشرة جرام        يباخدوا  أخوك
دا أنا شطب     علىميت فابريقة
مش غايته الجيب حاينفض ايه يعني    المخ يأكسد ايه يعني
نشمه أبيض يطلع أسود
باما حكما وأجزاجية ياما في حانوتية وطربية بقو أغنيا
على حس الكوكاينجية        ايه شوف الدنيا
مابقينا صمن بكمن عمين      شررم  بيررم يافندي البيجي بيجي بيجي
من السما احنا وقعنا لك وانتي استلقتينا
يامصلحة الجمارك الحقينا   تفليته ورا تنشيقة
حانموت ميه ورامية واخرتها تربيت تيتي تي
عالعباسية حوشيني ياامه عالعباسية
يامناخيري طولت شوية
 

اشنجر دامولينا

بصوت سيد درويش النوتة  
 

من الحان رواية "اللي فيهم" 1921،

  تقديم فرقة علي الكسار - تأليف وأغاني أمين صدقي -  

 المؤدي سيد درويش   

 

 

اشنجر دامولينا ياربي مسكجينا       ياشيخ ده احنا كفايه رضا ربك علينا

ياما بنقاسي يابهوات وياما الناس يعايرونا 

    على خدمتنا للخواجات وللمدامات ولامونا

يهودي تركي ياباني في اكل العيش يااخواني  

  مافيش مسلم ونصراني

ايه هىء هىء هىء هىء هىء هىء هىء هىء

ايه هىء هىء هىء هىء هىء هىء هىء هىء هىء هىء

هجرنا بلاد ابونا ونخلاتنا وعيالنا

  ياريت اللي جابونا سابونا هناك في حالنا

ياهوه حتى المزينين وصبيانها لها نقابة

 واحنا كومنده بوابين وليه نفضل كده غلابه

ماسونيه يابلشفيه ايه ماهو احنا اللى خلقناها ومنا فهموا معناها

ايه هىء هىء هىء هىء هىء هىء هىء هىء

ياناس دى العبودية دى ضد الإنسانية 

مادام ده شىء  غريزي ياهوه فيكم وفيا

لحد امتى يااخوانا مابين يحيا ومايحياش

  يااسيادنا اسمعوا منا نصيحة كدة عالماشي

برابرة ايه ياشيخ وعبيد مادام قلبك كده وشديد

 مسير العبد يبقى سيد

ايه هىء هىء هىء هىء هىء هىء هىء هىء

ايه هىء هىء هىء هىء هىء هىء هىء هىء هىء هىء

 

أقرأ ياشيخ قفاعة

بصوت سيد درويش النوتة حكاية اللحن  
 

من الحان رواية "إش"، 1919، تقديم فرقة نجيب الريحاني

 تأليف وأغاني بديع خيري

 المؤدي المجموعة، المقام عجم

 

 

اقرأ ياشيخ قفاعة تلغراف       آخر ساعة

    اللي في جرنال البورص

وأنا ابقى احلق دقني            إن ماكنتش ترقص    

   ترقص ترقص ترقص

الصلح صبح قلسطة              والعيشة حتبقى قشدة  

    ياقساتذة قولم هش

ياقساتذة قولو براوة             الحرب خلاس فينيش    

       فينيشون فينيشون فينيشون

بعد أكل التسقية                  والسلطة والطعمية   

 اللي بتهد الحيل

نرقع لنا اقتين تلاتة             من لحم الخيل    

 نرقع نرقع نرقع

ومادام الضاني غالي            وكذلك العجالي

     موش لازم ندقق

حصانا أم حمارا                أم بغلا موش راح نعتق 

  قبدا قبدا قبدا

ياما بكرة حنبقى نقلس          ع التجار لما تفلس  

   وزى مانتفلق

يتفلقم هما كمان                  واحنا نضحك هق هق

  هق هق  هق هق

ياللى نقلوظو العمة              ألا موده ونستحمى

   بصفيحة كالونيا

ونسافر على اوروبا             نتفرج ع الدنيا  

   دنيا دنيا دنيا

نسوانها قلماظية              متقولش مهلابية

   قبدا قبدا ايش جاب

قربت اسيح                     قربت اسخسخ

  قربت اتكهرب

الحق الحق الحق

ياسلام على حطة بطة نطة بطة نطتهن

على خفة نتفة خفة نتفة خفة نتفتهم             ترلم ترلم ترلم

سيبك م الفقهنة خالص        من بكرة حتبقى لابس  

  بدل العمة كاسكيت

فوز آفيه  قالت  ب ت كسكيليا     

  ياعلي يابتاع الزيت

روميو وجوليت في البيت

قرشت مرشت قرشت مرشت فرشت وقالت اقعد

قرشت مرشت قرشت فرشت ياحلاوتها فيري جود

فيري جود      فيري جود      فيري جود      فيري جود 

 

 ام اسماعيل

بصوت إيمان البحر النوتة  
 

من الحان رواية "رن"، 1919، تقديم فرقة نجيب الريحاني

 تأليف وأغاني بديع خيري

 المؤدي سيد درويش و حياة صبري، والمقام بياتي

 

 

 ياحلاوة ام اسماعيل في وسط عيالها

  زي النجفة عم بتلعلط في جمالها

تزرع وتجلع في الغيط ويا راجلها  

         وتعاود تاني لعجينها وغسيلها

 تحلب جاموستها      حلاوة كتاكيتها       على الملوخية  

                             ياختي عليها وعلى بطتها

بنات البندر دول ايه           بتوع الآن دي دو تروا      

      يكفانا اللى شفناه  من فات قديمه تاه          

زيي أنا شفت كتير           وسنة بسنة ولاد الكبير

لافاتولي بيت ولا غيط

 ياحلاوة ام اسماعيل في وسط عيالها

  زي النجفة عم بتلعلط في جمالها

تزرع وتقلع في الغيط ويا راجلها 

        وتعاود تاني لعجينها وغسيلها

كشكش بيه:

قسمة ومكتوبة  توبة من النوبة 

 لو يقطعوا رقبتي ماخدش غير زنوبة

مانمدش رجلينا ليه     على قد لحافنا يابيه

ده المصري مازادش عليه غير ماله ضاع بايديه

وده من يوم مامدنوه         خلوه نسى عوايد ابوه

     وصبح يقول   ياريت ياريت

 ياحلاوة ام اسماعيل في وسط عيالها

   زي النجفة عم بتلعلط في جمالها

تزرع وتقلع في الغيط ويا راجلها

   وتعاود تاني لعجينها وغسيلها

 

أهو ده اللي صار

بصوت الكورال  
 

 المؤدي عبد اللطيف البنا                   تأليف  سيد درويش

   المقام حجاز كار كرد

 

 

أهو ده اللي صار وادى اللي كان   

مالكش حق تلوم عليه
تلوم عليه إزاي ياسيدنا
وخير بلادنا ماهوش في ايدنا
قول لي عن أشياء تفيدنا
وبعدها ابقى لوم عليه
بدال مايشمت فينا حاسد
إيدك في إيدي نقوم نجاهد
واحنا نبقى الكل واحد
والأيادي تكون قوية
مصر ياأم العجايب  
شعبك  أصيل والخصم عايب
خللى بالك م الحبايب 
دولا أنصار القضية
 

إوعكي تصدقي (الرشايدة)

الاسطوانة  
 

  من الحان رواية (قولوله) ، 1919، تقديم فرقة نجيب الريحاني

المؤدي سيد درويش، تأليف بديع خيري 

 

 
رجال:                  إوعكي تصدقي انك رايحة تلاقي

    رشيدي حبشتقي زى محسوبك

و لو اني فقيه ومن ضهر فقيه

   لكن حبرتقي م اللي على ذوقك 

 ماتقربي عليه

بنات:                                يوه اتلم شوية
رجال:                  ماقدرش ياعنية عا لحندقة ديه

قال المزيكاتي عن لسان الحاكي

  في عزل البناتي القول الآتي

ما أحلى التلاقي عند من يلاقي 

  دهن في العتاقي بين الحموات

يا أم حسين ياقرة عيني

      جيف مي بوستين سيلفو بليه يابطة

     خدك ياقطقوطة أحمر من القوطة   

   شفتك ممطوطة يام نفسي في قطة

البنات:         ياختي على بطتهم دا انا اموت في قيافتهم

ياحلاوة عمتهم  زي الطبلية

الرجال:                 ماهذي اللطافة ياذات الخفافة

                              مدعوقة الكنافة جنبك انتي

البنات:                فيهم ايه يتعيب دانا جسمي سيب   
                          مايعيشنا  طيب ياختي غير دولا
لرجال :              رشايدة دليكاتي روحنا سبعة سباتي 
                              ايتها الحموات ماترقوا شوية
يا أم حسين ياقرة عيني  جيف مي بوستين سيلفو بليه يابطة
 

أوعى يمينك (السياس)

بصوت سيد درويش  
 

 من الحان رواية "إش" 1919، تقديم فرقة نجيب الريحاني

 تأليف وأغاني بديع خيري

المؤدي سيد درويش،  المقام جهار كاه

 

 

اوعى يمينك                   اوعى شمالك            اوعى

الأزمة توقف حالك              اوعى وشك             اوعى ضهرك

                            اوعى فوقك             اوعى تحتك

اوعى لجيبك م الحرامية                         اوعى لروحك م الحانوتية

اوعى الكوكايين يلحس مخك                    اوعى م البوكر ليطسك

اوعى م الروماتيزم في رجلك                 اوعى الجوزة تطير عقلك

                           يمينك         شمالك         اوعى

ياللي ماشية خطوة خطوة                     طالعة فيها عاملة حلوة

غطي ايديك غطي رجلك                       غطي وشك غطي صدرك

 إوعكي تترقصي في السكة             إوعكي تقوليلي آلافرانكه

 إوعكي تتغمزي بعنيكي                   والناس ملمومين حواليكي

الراجل لو بصبص ليكي                         ايه ذنبه ده الحق عليكي

                          يمينك          شمالك         اوعى 

وردة   وردة                                   وردة   وردة

يافندي حودة    حودة                     ياللا وسع بلاش زحمة

اسمع   اسمع مني كلمة                إن كنت صحيح بدك تخدم     

مصر أم الدنيا وتتقدم

                لا تقول نصراني ولا مسلم ولا يهودي

ياشيخ اتعلم

  اللى اوطانهم تجمعهم                    عمر الأديان ما تفرقهم

    يمينك          شمالك         اوعى

 

ايه العبارة

النوتة  
 

 أالمؤدي تودد            تأليف سيد درويش   المقام حجاز كار

 

 

 ايه العبارة           ايه العبارة      لسه في إيدي     حرق السيجارة

دا ايه ياروحي     دا ايه يا سيدي      راح تاخد ايه    من حرق ايدي

وحياتي عندك    ماتهزش إيدي      بزيادة قلبي      فيه ميت شرارة

 

ايه العبارة       ايه العبارة        لسه في إيدي         حرق السيجارة

 ساعة وصالك        يزيد هزارك         حرقت قلبي   بنار غرامك

ولحد امتى           تكويني نارك        وحياة عيونك  دي مش شطارة

 ايه العبارة          ايه العبارة        لسه في إيدي   حرق السيجارة

 وحياتي تسكت    ياسلام وسلم     كده برضه يعجب  الحرق علم

دا أنا لغيرك      ماقدرش اسلم         مادام في ايدي    منك  أمارة

 ايه العبارة    ايه العبارة         لسه في إيدي        حرق السيجارة

 من الهزار دا لأ بس فضك      تطيب ببوسة بوسها في عرضك

أنا أحبك أنا اودك                 ريح فؤادي واطفي السيجارة

 ايه العبارة          ايه العبارة      لسه في إيدي   حرق السيجارة

 

البحر بيضحك (المراكبية)

بصوت سيد درويش النوتة حكاية اللحن الاسطوانة
 

من الحان رواية (قولوله) ، 1919، تقديم فرقة نجيب الريحاني

  المؤدي المجموعة، تأليف بديع خيري  ، المقام حجاز كار

 

 

البحر بيضحك والله             للخفة وهي نازلة        تدلع تملا الجلل

واشمعنا امال يتخلج   ع المراكبي وتغرج     مركبه دي وجعته زحل

يخلي الموج يشخلعها            تبص لفوج على جلوعها       

تلجاها ترجص تركي وهندي    بطننا تمغص وانا اجول بدي

           ياعزيز عيني أروح بلدي

دا الوابور واجف حاله  والمراكبي زاد ماله   مابجاش غيرنا يابو عمه

الجنيهات نازلة علينا    بهوات بيبوسوا إيدينا   تيجي تطردهم يتلموا

نوجفهم طابور في طابور    ونجول صفدن سلام حازدور

شوفوا كويس بتكلموا مين  ده انا الريس شعبان حسنين  

  اللي ف جفصو بيضاله

هب جزم هات الأجرة   برفكس ماعنديش بكرة  مستعجل جدا جدا

أنا معرفش كلام غير ده ولاانجص عشرين خرده

  والنبي لو كنت تدن

ماكنا زمان بنتمحلس     ولفندي كان بيتمجلس  

شوف بجى خيرنا ولا خيرك   حتاخد وزمن غيرك    ماتظنش أبدا أبدا

إياك تعجل وتصدج     ولاتبجاش تتمهزج    عاللي يكون أصغر منك

يجي لك يوم وتعوزه  تلجاه لاوي لك بوزه     تيحي تجز على سنك

ياخا عاهدني إيدي في إيدك   واهو تفيدني وانا افيدك

انا في سعدي وانت في فجرك

  لكن مصري زيي زيك   يغور المال اللي يفرج

 

البويجية (مخسوبكو انداس)

بصوت إيمان البحر  
 

من الحان رواية "ولسه"، 1919، تقديم فرقة علي الكسار

  تأليف وأغاني أمين صدقي

 المؤدي مصطفى أمين، المقام نهاوند

 

 

مخسوبكو انداس        صبح محتاس    مسختوا بابوتسي ياناس

مفيش فلوس            بقيتو منخوس          فقرتو خلاص

نشتغلوا في ايه          ياافندي يابيه           مادام البخت موريه

مافيش تهييص          مافيش قميص           فينيتو خلاص

فين نروخو  ساغريستي  دنيا لسه تربتيه  ايام الهيصة فنيتو خلاص

مخسوبكو انداس        صبح محتاس     مسختوا بابوتسي ياناس

بوكر مفيش             يابو درويش            قهاوي رقص مفيش

إزاى يافندي            ابن الكيف يقدر يهيص

بوكر مفيش             يابو درويش            قهاوي رقص مفيش

مدام مفيش بدل       يغنيش نبيع ورنيش

دوخنا نروح لمين       سوخنا يامسلمين        نشكي ونقول لمين آه

حانتيش مانتيش         يابو الريش            إن شاء الله تعيش

سبت الخمارة           سكنت في خارة        مافيس ولاواخد باره

علشان نروخ           كلنا لطوخ              وبتيجي منفوخ

ارتبن يوم كليفني موليفتي الافتوه برياه

  افتوه كالا بولي كالا سمك بكالاه

أخيه أمان أمان  فين المصر بتاع زمان والمدام فاصولاكي

واللا ياخرالمبو                 كانت أيام               فاريج لي كي

 

التحفجية (ياماشاء الله على التحفجية)

بصوت سيد درويش الاسطوانة  
 

من الحان رواية "رن"، 1919، تقديم فرقة نجيب الريحاني

 تأليف وأغاني بديع خيري

 المؤدي سيد درويش والمجموعة،  المقام عجم

 

 
ياما شاء الله ع التحفجية        أهل اللطافة والمفهومية

اجعلها ليلة مملكة ياكريم

دا الكيف مزاجه إذا تسلطن     اخوك ساعتها يحن شو شو شوقا

إلى حشيش بيتي نيتي نيشي    اسأل مجرب زي حالاتي

حشاش أراري أراري           يسفخ يوماتي

خمسين جرايه                  ستين سبعين

        هأ هأ هأ يامرحب

 صدق وآمن بالذي خلقها وقال كوني جوزة لكل من يدوقها

مايسلا أنفاسها بملايين

بس الأكادة حبس وظلومة    يكفينا شرك يادى الحكو حكو حكومة

حكو حكو حكو حكو حكومه     أو لما مانسمع زنة نموسة

تبص تلقى كل الشخصة        اكسبرسات راحم طايرين

        ها ها هأ يامرحب

 هو احنا يعني علشان غلابة     لابتوع قراية ولاكتابه

 يهينونا فلتحيا التفانين

كان يبقى شنبي من غير مؤاخذه

 على كلب رومي والا على معمع معزه

معمع معمع معمع معزه

   ساعة ماتنده وتقول ياقرقر

أجيك مش مشمر من غير تؤخر         هو ابن مصر حيخاف من مين

        ها ها هأ يامرحب

 ورينا أجدع بيه والا باشا        يقدر يعايب على الحشاشا

فشر يادقدق صلى ع الزين

أقول لك الحق يوم مانلقى       بلادنا طبت في اي زنقة

يحرم علينا شربك ياجوزة        روحي وانت طالقة مالكيشي عوزة

دي مصر عايزه جماعة فايقين  يامرحب

 

إيناسيروبي (الجرسونات)

بصوت إيمان البحر  
 

من الحان رواية "ولسه"، 1919، تقديم فرقة علي الكسار

  تأليف وأغاني أمين صدقي

المؤدي سيد مصطفى ، المقام عجم

 

 

   إينا سيروبي ايناارجليه    اينا كافيه فارجليكيه

اهي شغلتنا كده يافندية نفضل نحزق بالصفة دية

نهاتي واللي نقوله نعيده اكننا بنقرا في عدية

دا الجرسون منا يا بيه وحياتك له الجنة

يامابنقاسي في خوته ودوشة ومرمطة ياخوانا

نفضل شايلين صواني وماشيين زي المكوك رايحين جايين

يبقى دا يصقف ودا يهاتي ودا يخبط كده بوريه 

       ياخواتي خلو عيشتنا سبعة سباتي يلحقوه

اهه المقدر يابيه عليه يفرح يكدر مش بايديك

بلا مارتيل بلا ويسكي وصودا دا الجرسون عايش عيشة سوده

كان مالنا احنا ومال الكار دا        ولسه ياما نشوف ياسي فوده

يالله احسب يابيه كام كيلو بنمشي في الساعة

بس من البوفيه للزبون من غير لكاعة

دا عنده دورين ودا ثلاثة دا عايز فرموت ودا جيلاته

داعايز دور ويسكي ودا بيرة ودا مزة ودا كافيه

أحيه لاهو الجرسون عقله دفتر توب عليه

زباننا مالها جرى لها ايه    تفويت مافيش ياخوانا ليه

التشطيب دا ومنع الخمرة خلو عيشيتنا جهنم حمرة

كان يجي الزبون لنا طينة نغالطه ونجرده ياابو سمرة

اللي عند عيال ياما يعيش إزاي الايام دي

وياريت ع الشقى اللي احنا منه نزيد ياسي حمدي

ياناس دا حرام دا احنا غلابة  ادي احنا عملنا لنا نقابة

طول مااحنا ياصاحبي ايد واحدة

موش ممكن ننضار          برضة مسيرنا نبلغ أمانينا بالوئام  

 

الجلل الجناوي (مليحة جوي الجلل الجناوي)

النوتة  
 

من الحان رواية (قولوله) 1919، تقديم فرقة نجيب الريحاني

المؤدي سيد مصطفى والمجموعة

 تأليف بديع خيري، المقام راست

 

 

مليحة جوي الجلل الجناوي             رخيصة جوي الجلل الجناوي

                جرب حدانا وخد جلتين

خسارة جرشك وحياة ولادك      عاللي ماهواش من طين بلادك

ده ابن بلدك مايبلفكش            ماتعدموش ولا يعدمكشي

    دمك من دمه ما يفرجكو شىء

مليحة جوي الجلل الجناوي             رخيصة جوي الجلل الجناوي

  جرب حدانا وخد جلتين

 الدنيا مالها يازعبلاوي                  شجلبوا حالها ومين المداوي

شوفوا البلاوي البنك ناوي      يرفع دعاوي علشان يتاوي

في فلوسنا واحنا متجندلين

مليحة جوي الجلل الجناوي             رخيصة جوي الجلل الجناوي

جرب حدانا وخد جلتين

 مش بزيادانا بجينا عرة                 وكل حاجة من شغل برة

ده الغلب طول جلع عنينا               وخاللا غيرنا جلس علينا

 يادي الفضيحة ياناس حرام

مليحة جوي الجلل الجناوي             رخيصة جوي الجلل الجناوي

    جرب حدانا وخد جلتين        

 ولحد ميتا ماتفوجش.واصل             والبيه مجعمص جاعد يواصل

يشرب في بيرة ويا منيرة                واحنا في حيرة جد وكبيرة

انتعنا بجه ياجد الحسين

مليحة جوي الجلل الجناوي             رخيصة جوي الجلل الجناوي

      جرب حدانا وخد جلتين

 

الجطن

النوتة  
 

 من الحان رواية (فشر) 1919، تقديم فرقة نجيب الريحاني

المؤدي سيد مصطفى والمجموعة

 تأليف بديع خيري، المقام حجاز كار

 

 

عمد:    الجطن وما أدراك ما الجطن في الأيام دي   

            شبعنا شفط في جنيهات على حسه يافندي

          دا العمده ريش بعد ما كان جيبه مصدي

         بلا فول بلا جمح بلا شعير بلا درة بلا دردي

 فقراء : ياوحسة الفجرا  يازعزوع         حايجطعم أبونيه للجوع

           والبورصة طالعة لنا بمطلوع    والجمح زرعه صبح ممنوع

عمد:    دي لزجة ايه م الباب للطاج      باجته نحس ياوش خناج

فقراء :  حرام عليكو راجبوا الخلاج       دي الدنيا مادامتش لجندي

عمد :   حد يحاشرنا  في أطياننا          وأطيان أبونا

             إن كنا نزرع غلة  والا مكرونة

            تجوعوا تشبعوا ماحناش        فتحينها طابونة

             واللى مش عاجبه          دوخيه يالامونه

فقراء:   إيش معنى بس يحللوا حبس الحرامية

             ويسيبوا اللي التخلقم للدنيا أزيه

             أنا لو كنت منك ياحكومتنا يامصرية

             لاحبس كل اللي مافيش في قلوبهم حنية

 

الحلوة دي (العمال)

 
 

من الحان رواية "ولو"، 1918  تقديم فرقة نجيب الريحاني

 المؤدي فتحية أحمد والمجموعة

تأليف بديع خيري           المقام حجاز

 

 

 العمال: الحلوة دي قامت تعجن            في البدرية

            والديك بيدن كوكو كوكو           في الفجرية

            ياللا بنا على باب الله              ياصنايعية

            يجعل صباحك صباح الخير       ياسطى عطية

فتحية: طلع النهار فتاح ياعليم            والجيب مفيهش ولامليم

          مين في اليومين دول شاف تلطيم  زي الصنايعية المظاليم

           دا الصبر امره طال               وايش بعد وقف الحال

            ياللى معاك المال        برضه الفقير له رب كريم

العمال: الحلوة دي قامت تعجن            في البدرية

           والديك بيدن كوكو كوكو           في الفجرية

           ياللا بنا على باب الله              ياصنايعية

           يجعل صباحك صباح الخير       ياسطى عطية

فتحية: اولاد اوروبا مابيناموش           عن الصنايع مايونوش

          الافرنجي دايما حلق حوش        والمصري جنبه يطلع بوش

          سبع صنايع في ايدينا              والهم جاير علينا

          ياماشكينا وبكينا         يااغنيا ليه ماتساعدوش

العمال:  الحلوة دي قامت تعجن            في البدرية

           والديك بيدن كوكو كوكو           في الفجرية

           ياللا بنا على باب الله              ياصنايعية

           يجعل صباحك صباح الخير       ياسطى عطية

فتحية: ماتشد حيلك يابو صلاح           اضربها صرمة تعيش مرتاح

  خلي تكالك ع الفتاح               يالللا بنا يالللا الوقت اهو راح

العمال: الشمس طلعت                  والملك لله

           اجري لرزقك                   خليها على الله

           قوم شيل قدومك                والعدة وياللا

 

السقايين (يهون الله)

 
 

 من الحان رواية "ولو"  1918  تقديم فرقة نجيب الريحاني

المؤدي نجيب الريحاني والمجموعة  

تأليف بديع خيري         والمقام نهاوند

 

 

 يهون الله       يعوض الله      ع السقايين      دول شقيانين

      متعرفتين       م الكوبانية

خواجاتها جونا  حايطفشونا      ليه بيرازونا    دي صنعة أبونا

     ماتعبرونا       ياخلايق

عملوها فينا     طيب رضينا    مايلزقونا        ويشغلونا

       وينفعونا                ياخوانا

اشمعنى يعني   ياولوويني        ياكلوا الصينية   وياخدوا  الماهية

  م الكوبانية      علاولا

وابن البلد دي   يطفح الدردي   مايتعدلشي      يمكن مايطولشي

         يتعشى طرشي  يعوض الله

يعوض الله      ويهون الله      داحنا بنسير     حسبة بتباشير

       وشكوكنا كتير   واهيه ماشية

يهون الله       يعوض الله      ع السقايين      دول شقيانين

متعرفتين       م الكوبانية

خواجاتها جونا  حايطفشونا      ليه بيرازونا    دي صنعة أبونا

  ماتعبرونا       ياخلايق

دي شركة غلسة ميتها نجسة     تلقاها حدقة     وخضرة وزرقة

    وقال ايه رايقة  دي لهجة

إخيه عليها      بيحطوا فيها    كربونات ونبيت        وفوسفات كبريت

      وبودرة عفريت هاأوأو

يابنت ياللي     واقفة على البهلي  ماتندهي لي دي ميتي نيلي

          إشربي وإدعيلي يعوض الله

روحي الوي بوزك      في وش جوزك خليه يطير ويجيب لك زير

        وانزلي تكسير  في الحنفية

يهون الله       يعوض الله      ع السقايين      دول شقيانين

متعرفتين       م الكوبانية                    

خواجاتها جونا  حايطفشونا      ليه بيرازونا    دي صنعة أبونا

                ماتعبرونا       ياخلايق                

 

الشيالين (شد الحزام)

بصوت سيد درويش النوتة حكاية اللحن الاسطوانة
 

 من الحان رواية (قولوله) 1919، تقديم فرقة نجيب الريحاني

 المؤدي سيد درويش والمجموعة

   تأليف بديع خيري    المقام حجاز

 

 

 شد الحزام على وسطك غيره مايفيدك

 لابد عن يوم برده ويعدلها سيدك

إن كان شيل الحمول على ظهرك يكيدك

 أهون عليك ياحر من مدت إيدك

ماتيالله بينا انت وياه               ونتسعين ع الشقا بالله

واهو اللى فيه القسمه طلناه   واللى مايجيش انشا لله ما جاء

مادام بنلقى عيش وغموس    يهمك ايه تفضل موحوس

ماتحط راسك بين الرؤوس        لا تقوللي لا خيار ولافقوس

 حقولك ايه واعيد لك ايه كله له آخر 

 دى خبطة جامدة وجت على عينك ياتاجر

ياوحستك دلوقت لاوارد ولاصادر

 يحلها الفين حلال ربك قادر

قل لي في عرض النبي ياحسين   رايحين نلاقيها منين ومنين

والاش متجوز اثنين  يادنيا غوري جاتك البين

شوفوا البخيل يفضل منحوس  ولو علقوا على بابه فانوس

فلوس دي ايه سكت ياجاموس  ديه السعادة في غنا النفوس

 نهايته يالله بنا اهو الاكسبريس بقه ع الرصيف

 واد حنا بقالنا كام يوم ماعملناش بحق رغيف

كل المحطات قبلي وبحري بقيت "لا"اليف

والسكة انقطعت من دي الهيصة يالطيف يالطيف

ماقطعوا لنا التيفونات وعطلوا التلغرافات

عمركش سمعت الدلنجات بيسافروا ليها ببزابورتات

غلب حمار اللى له حمار يحملولك ست انفار

واهو السفر في الأيام دي صار على البهايم ليل ونهار

 قرب شيلني شيل لا تقوللي كتير وقليل

عمر الشدة ماتطول بكرة نهيص زى الأول

 هيلا هيلا  هيلا هيلا   هيلا ليصه هيلا ليصه

 

العربجية

 
 

من الحان رواية "ولسه"، 1919، تقديم فرقة علي الكسار

 المؤدي محمد البحر والمجموعة،المقام حجاز كار

 تأليف وأغاني أمين صدقي

 

 

مين زينا احنا العربجية ياهوه مين

 بنشوف غلب وتلطيم عقبال اللايمين

كل الناس ف إشغالها يافندي رايحين جايين

 الا احنا نفضل بالعشر ساعات قاعدين

اللى يكفيكو ياهوه شر القعدة اللى بنقعدها

مصلوبين طول النهار انا والجدع ده

 ياما بنشوف م الشاوشيه صبح ومغرب وعشية

 على أى شىء يرازونا يخالفونا ويلعنوا ابونا

أهي حالة يعلم بها سيدك تشكي لمين شيء مش حايفيدك       

طول ما سرعك يااسطى في ايدك اوعى تصدق اننا نتهان

لازمة:

اكلنا احنا والبهايم يااسطى زاد الطاق اثنين

نعيش ازاى ياناس يااخواننا العدل فين

ياهوه ورانا عيال غلابة ياكلوا منين

لامتى نفضل ساكتين كده جاتنا البين

بتوع الترمواى هم اللى ياناس جابوا داغنا نعمل ازاى

والله اعتصمتهم بتنفعنا

 احنا كمان ياما بنقاسي من زباينا الهلاسي 

 يجي الزبون بنتاية ويروح راكب ويانا

نبقى سايقين على عمانا والكبوت مرفوع آه يانا

مش عارفين ايه بيجري ورانا العربجي ليه ماتوبش عليه

لازمة:

لكن ارجع برضه اقولك يااسطى طبقتنا احنا دون

مين زينا ياناس نردح لاحسن زبون

نفضل ساكتين عليه لحد مانوصلوه البيت

 وإن قصر في الاجرة نخليلك ليلته زيت

نقعد نعمله يابيه قدام الجيران هليله

ونقول عليه كان راكب ويامزمازيل

الله يكون في عوننا ياما بنقاسي مع زبوننا

يجي الزبون ده يركب زي اللي بيلعب عنكب

يحط رجله في خربتنا وإن قلنا له حاجة يخرب بيتنا

يفضل كده يهري في جتتنا آل ده مزاج البيه  أحيه

 

المنزولجية (ابو عبده قول لابو حمده)

بصوت سيد درويش الاسطوانة  
 

  من رواية "كله من دا" ، 1918، تقديم فرقة نجيب الريحاني،

 تأليف بديع خيري

 المؤدي سيد درويش والمجموعة، المقام عجم

 

 

يابو عبده قول لابو حمده      ينده كعبوره وحكوره آدي ملك الجن

اللى له حاجة يحكي له عنها   يقلب له كيان أيمانها من غير مايون

بقى برضه أصول محاسيبك دول  يفضلو على طول من غير منزول

معناها بلا أفيه ولامؤاخذه            اتحفنا بلحسه تكون لذه

اسم النبي أحسن حافضينك          سيد العارفين ينصر دينك

 ياحدقة ناكلها بدقة ناكلها ببصله

 أهي لقمه وبس تحشي المصارين

ربنا مايخليه لنا في ايديه  المنزول  اللي يفرفش أيوه الله أمين

وسكي ماوسكيش وحشيش ماحشيش

 ياخي ده ده مافيش زي دي تغانيش

خربت عمرت طلعت نزلت         كسبت خسرت فتحت قفلت

طظ في ابو مين الدنيا دي  طول مانا موزون وزنه سجوريا

 مابيفلقناش ولايفقعناش إلا اللي عامل فلوطه وياخد كوكايين

ماهو دا من دا برضك ياسيدنا 

 بس دا منزول شغل أوروبا أما دا وطني

حتى الفرنجة في الكيف بريه       هيا الأمزجة فيها باشا وبيه

خمرةميت كوكايين ميت            وسكي ميت   منزول ميت

اختار لك موته وطنية              أحسن من الموتة الأفرنجية

 

الموظفين (هز الهلال)

بصوت سيد درويش الاسطوانة  
 

 من رواية "كله من دا" ، 1918، تقديم فرقة نجيب الريحاني،

 تأليف بديع خيري،  أداء سيد درويش

 

 

هز الهلال ياسيد   كراماتك لاجل نعيد

يكفي اللي حصل      كام يوم ووصل       بقى زرع بصل

هديت واهو راق الحال  ورجعنا للأشغال

دا الموظف منا   مش وش خناق ولاشومه

لما يحمر عينه والا   يقوم له قومه

حد الله مابيني وبينك  غير حب الوطن ياحكومة

هز الهلال ياسيد  كراماتك لاجل نعيد

عشرين يوم راحو علينا   إن شا الله ياخدوا عنينا

بس المقصود       يبقى لنا وجود      والدنيا تعود

ياما شفنا م الستات   طلعوا وعملو مظهرات

والكناسين رخرين راسهم  والف مقشة

مايكنسو بس كنسه   ولا يرشو رشة

والصنايعية راحم جايبين   ضلفة أحسن ورشة

هز الهلال ياسيد   كراماتك لاجل نعيد

الغلب اللي شاربينه   ياريت العالم شايفينه

دي ماهية ايه     الكام جنيه        ياخواتي بريه

من خمسة منه تروح   وبقيته تقول ابوح

وبسلامتها الست بتاعتي   ماتتوصاشي

ولاتولدليش في البطن إلا  بالجوزعلى الماشي

وييجي الجزار والخضري   والبقال ينعلو ابو خاشي

هز الهلال ياسيد    كراماتك لاجل نعيد

مستخدم الايام دي       ذمة مفيش أحسن من دي

بليسنسيهات ودبلومات يرطن بلغات

في الشغل ياسيدنا يابيه ثمانين مايجيبوا ايديه

مفيش إنااسفقتاكم زي ماانت راسي

ماحتاس حبة بلاليص حطينها فوق الكراسي

بكره المولى يعدلها وفي الدنيا دي عمرك ماتقاسي

هز الهلال ياسيد   كراماتك لاجل نعيد

 

الوارثين (ع النسوان)

بصوت إيمان البحر النوتة الاسطوانة  
 

من الحان رواية "ولو"، 1918  تقديم فرقة نجيب الريحاني

  المؤدي سيد درويش  -   تأليف بديع خيري

 المقام نهاوند    

 

 

ع الستات ياسلام سلم مفيش كده ابدا بهجة

 ده احنا الوارثين يافندم ضاربين الدنيا طبنجة

ياحبيبتي دي ثروتي راحت ايه اللي جرالي معرفشي

ودي ساعة الحظ إن راحت ابدا ماتتعوضشي

كل الأطيان لو راحت في نظرة مانستخسرش

 نعرف جغرافيا ونحوي وحساب  وحاجات تراللي

خمسة في تسعة بستاشر وباريس في الوجه القبلي

بونجورنو ده فعل مضارع مفتوح على البحري تمللي

ودي صنعة هنري التاسع شيخ حارة في المتولي

ابجد هوز معناها بالتركي ابقى قابلني

 كده ولا بلاش يامدارس دي بلدنا بقت منخوليا

يكفانا بس نعيرها قال ايه عاملين بكالوريا

والواحدة في طبخة نابت عايزالها سبع الكخيا

مابدال التكنولوجيا يدوهم طبخالوجيا

وكلها لهجة لوجيا وأومور أونطالوجيا

 ده كلام ملاحيس مايهمش ماتتمسخرش علينا

إن شاء الله محدش حوش دي الفلوس في رجلينا

بنغني ونرقص بولكا ومزوركا ونسكر طينة

نلعب بوكر ونبقشش دي الجنيهات ملو ايدينا

إن راحت أطيان بابا البركة في صيغة نينة

 

اليتامي (فين ياناس أهل الشهامة)

   
 

 من رواية "الهلال" (1923)

تقديم فرقة علي الكسار، تأليف وأغاني عبد الحميد كامل

 المؤدي سيد مصطفى وعبد القادر قدري، المقام حجاز كار

 

 

فين ياناس اهل الشهامة والكرم والإنسانية

لاجل مايواسوا اليتامى ويظهروا النفس الأبية

 بنت :

         كانت الأيام جميلة قبل ما نصبح غلابة

         والعيون كانت بخيلة بالدموع ف عز بابا

        آه من ذكرى الطفولة    آه من موت القرابة

      بعد جاهنا ياإلهنا راح نعيش كل حياتنا

         مذلولين  محتاجين هم فين المحسنين

        فين ياناس اهل الشهامة والكرم والإنسانية

     لاجل مايواسوا اليتامى ويظهروا النفس الأبية

 ولد:  

   أنا مات ابويا في جهاده خالد الذكرى كريم

وافتدى بالروح بلاده وراح إلى دار النعيم

للوطن تارك ولاده مين يقول إني يتيم

هوه أمي  هوه ابويا    هوه عمي   هو أخويا

مستحيل ابقى ذليل في حماية المحسنين

 فين ياناس اهل الشهامة والكرم والإنسانية

لاجل مايواسوا اليتامى ويظهروا النفس الأبية

 

بصارة براجي

بصوت سيد درويش الاسطوانة  
 

 المؤدي وتأليف  سيد درويش       المقام راست

 

 

بصارة براجي بصارة براجي  بصارة تشوف البخت

يامين يا صبايا يندهلي  واشوف له بخته على البهلي

عنده قضية شرعي وأهلي أو مختلطة وكله في البخت

بصارة براجي بصارة براجي بصارة تشوف البخت

 

لو يصدق بالك يا صبية تبقي أنت الحلوة العربية

والظاهر إنك شرقية أعداك كثيرة ومالكيش بخت

بصارة براجي بصارة براجي بصارة تشوف البخت

 

من بعد العز اللى شفتيه يبعدوا عنك اللى تحبيه

اللي يإذيكي الله يإذيه ويشوف المر وميلة البخت

بصارة براجي بصارة براجي بصارة تشوف البخت

 

كان فين ده كله اللى جرالك الله يجازيهم عزالك

استعبدوا أهلك ورجالك ودي قسمة يابنتي وميلة بخت

بصارة براجي بصارة براجي بصارة تشوف البخت
 

 

بنت مصر (دا بأف مين اللي يألس)

الاسطوانة  
 

من الحان رواية (قولوله) 1919، تقديم فرقة نجيب الريحاني

 المؤدي حياة صبري

   تأليف بديع خيري    المقام نهاوند

 

 

دا بأف مين اللي يألس على بنت مصر بأنهي وش

النبي يجري ويتليس ما طلع كلامه طظ فش

إنه إنه ديهديه

شغل البكش ده هو ياختي       مابقاش ينفعنا دلوقتي

دي المصرية كتر خيرها  في التربية سبقت غيرها   ياسيدي أنت

اللي متكتبش وتقرا     الدجالين قالعين عينها

وتو ماتقع البقرا      مالحق ماتكتر سكاكينها     إخيه إخيه اتفوه

اتفوه ع الجهل ميت تفه    ياللا نرمي وراه شقفة

من تعليمنا أهلنا خايفة   واقعين ليه من قعر القفة    ياسيدي أنت

البنت تفضل محجوزة   قال جوه بيتها يكون أفضل

لحد ما تبقى عروسة  بدال ماتطلع تتنطط     العفو العفو ياسلام

ياسلام ياخوانا دي العبرة        ماهش من جوه ولابره

عمر الحرة ماتبقى عره   عمر العره ماتبقى حرة     ياسيدي أنت

بردون يافندي بالذمة            ليه بس عيب المصرية

الدنيا داقت بيك لما   متاخدشي غير أفرنجية  أفهم واعقل يا اهبل

يااهبل ليه غيرنا يفرقنا         ماتخلي زيتنا في دقيقنا

دي المصرية تبيض وشك  الافرنجية عينها لقرشك  ياسيدي أنت

خليها دي حلجة في ودنك       من جبل ما تجرى الفاتحة

أول كلام تجوليه لابنك وطنك مافيش زيه دحه  م النيل امبوه حبوه

حبه يانونو بالأكتر         من بابا وماما والسكر

منه التسه ومنه المما    إوعك تنسى فرض الأمة       ياجدع أنت

 
 

  بوخمار خنفشار (سكتش كشكش وعائلات زوجاته الأجنبيات )

بصوت الكورال النوتة  
 

من الحان رواية "رن"، 1919، تقديم فرقة نجيب الريحاني

 تأليف وأغاني بديع خيري

   أداء سيد درويش وحياة صبري، المقام نهاوند

 

 

  تركي    بوخومار خنفشار سان خرسيس مرسيس

سوداني            آن ديوسن با أبد الله اضرب يا إدريس

فلاح      أه يانهارك الأسود في الواقعة دا هيه الخلطبيس

شامي   وين ها الألعوط هخي الصرماية يا أطل مازنيس

فلاح      ياخي قوم يلعن أبو قرمه فرمة جدك تيس

سوداني            يابلاوي بديلك حتة نتفة نبوت

خلى لك دماغك فارج لي كي مزبوط

فلاح      والله أن ماكان فيها زوغان            كلتها بالصلا ع النبي فينو

دا العمر ماهوش بعزقة                ماتفط ياواد على آخر استيم

تركي  شقلاباظن بقلاباظن خبصن هرشن شو بيرهك أوتسن دورت

فلاح    وقعت في عرضك اعتق اخوك أحسن ركبي خلاص سابت

تركي    جانم أفندم عقلن يوك                 

شامي   شو بتخمن يازلما وينك بتدشر هون يخرب بيتك

              باقصف عمرك هايدي شو بيكون

فلاح      بلا هايدي بلا مايدي جاك نص اردب طاعون

شامي   شو داخلك إسرح لك خيو بحبة صابون

سوداني   ماسكا جينا الناري كادوبا خيلا ليصة هيلا هبا

                سكتر مكتر بكتر يابلادي فاسوخ يابلادي مرجان

تركي        كمبيو اصناف أجناس أشكال موتن  لار

                خاطرتشن حرية تلقى لار لافو لفاتيلار      

طبنجات سكينات موتينات لار

شامي   من إيهن بتريد يا أزعر من هيكي التقويص

فلاح      مايعجبنيش م اللستة دي حاجة بلا تهجيص           

دا أبو كشكش ولو أنه واقع في حيصن بيص

مايعيشى إلا حلنجي ولايموتشي إلا جعيص        

سوداني  مش سيبك لو كان يتنطط والا اتعفرت والا اتزفلط

فلاح      ماهي باينه من لبتها الفاتحة ولا الضالين آمين

يوناني   لخبطة خومص مرزطه خومص كلم إنت فريه

            موس سفته واخد مجنون كليفتي موليفتي موريه

تركي    استاكر ياخبصات نجسات ياللا بسك عليه

يوناني   آنستو ياخبيبي سرفتو

شامي   إش حالو لو

فلاح      لحد هنا واربطمادام حاينطم دولا 

            آدي اسمي وآدي ختمي  أنا المجتول أدناه

            أتعهد بجبولها موته على خيرة الله

          لكن من حيث ليث مااعرفشي لااسبانيولي ولا طرشي

          فالبند الأول مايكونشي القاتل من غير جنسي

 

تع قوللي ياشيخ قندوفلي

بصوت سيد درويش النوتة  
 

 من رواية "ولو" (27-9-1923)

  تقديم فرقة نجيب الريحاني، تأليف وأغاني بديع خيري

  أداء نجيب الريحاني، والمجموعة، المقام نهاوند

 

 

  تع قوللي ياشيخ قندوفلي      لحسن عقلي بقى ترللي

  النحل يا هوه

  إيه تعمل ده الحال طول      أوعى تقول قف ده فلفل

  النحل ياهوه

  سما فيني بقشيش             سفلقة ولافيش

  وجواز وطلاق                      راح كله فنيش

  الخطابين يامسلمين            متنيلين  متخوزقين

  سلقط ملقط                       ياشيخ بهلول

  محناش لاقيين                    حق المنزول

  شبان ولاد ليام دي               متحفلطين  ومقلوظين ومزبلحين

  بيعشقم بعضهم                ضربة تجيهم في كلاوهيم

  آمين   آمين

  لابسين عياقات  مش بنطلونات  دي شمازتات  حاطين وردات

  ياحكومة بحق  العيش والملح دول هما لازم ينطسوا عقاب

  يرافقولهم نسوان قحت لايقولوا هباب ولا كتب كتاب

  الناس دلوقتي خربت ذمتها وبقت كوتش

  السلعو

  يطلقوا النسوان ستين طلقة ويقولوا معلهش

  ياشيخ ولو

  لابيعرفوا شرع  ونصب ورفع وعيشه مرع وبامية وقرع

  نازلنين لهيط  في القرنبيط ويقولوا في آخر الزمر طيط

  يامصري قوم يكفيك غطيط     لحد امتى تعيش عبيط

  كشكش:

   بهواتنا  وبشاوتنا   بيجوزوا فرنجيات   إحم إحم

   واحنا نعقد لهم ألا مودا  بالسبع لغات

  الخطابين:

  شرم    برم

  كشكش:

   كومسيه   كومساه

  الخطابين:

   آند دي تروا     البيلي بيلي با

 كشكش:  الله   الله

  الخطابين:  اشفع   اركع   حلم   كلم   صعفص  هات فص

                 ياشيخ قبقاب

               بلا خطابين  بلا دياولو

         ياللا نشعر فابو زيد ودياب

        كومسيه   كومساه

        آند دي تروا     البيلي بيلي با

         الله   الله

 

حرج عليه بابا

بصوت سيد درويش النوتة  
 

 المؤدي وتأليف سيد درويش                     المقام راست

 

 

حرج على بابا           ماروحش السينما         واقابلك فين

أنا من رأيي تكاتبني          وأجاوبك وتجاوبني

وف أي يوم تطلبني          تلاقيني في غمضة عين

حرج على بابا           ماروحش السينما         واقابلك فين

 

لو عندك رأي غير ده        قولهولي ونشوف دا من دا

مالوش لازمة البعاد ده        والنبي دانا بين نارين

حرج على بابا           ماروحش السينما         واقابلك فين

 

يارب انت ياقادر              ياجابر كل خاطر

دم إخلاصنا للآخر           وحياة جد الحسين

حرج على بابا           ماروحش السينما         واقابلك فين

 

خفيف الروح

بصوت الكورال حكاية اللحن  
 

 ألمؤدي زكي مراد     تأليف سيد درويش     المقام  حسيني

 

 

خفيف الروح بيتعاجب        برمش العين والحاجب

خفيف الروح

غمزلي مرة بعيونه    لقيت الحب مضمونه       

حرام ان كنت انا اخونه   وعشقي له من الواجب

خفيف الروح

تمللي      يحب يشغلني    بسهم اللحظ والنني

أخاف إنه يخاصمني    ويهجرني ويحرمني

خفيف الروح

رايت الأوفى إن جاني    حبيب القلب ناداني

لرد عليه بأجفاني   ولا أحسب حساب لعزول

خفيف الروح

 

دا وقتك دا يومك (بنت اليوم)

 
بصوت الكورال النوتة  
 

من الحان رواية "الانتخابات"، 1923، تقديم فرقة علي الكسار

 تأليف وأغاني أمين صدقي

 أداء محمود مرسي والمجموعة، المقام بياتي

 

 

 

ده وقتك ده يومك يابنت اليوم  

قومي اصحي من نومك بزياداكي نوم

وطالبي بحقوقك واخلصي من اللوم

 ليه مانكونشي زي الغربية

ونجاهد في حياتنا بحرية

شطارة شاطرين  قدارة قادرين  مين في خفتنا ودردحتنا مين

معانا شهادات ودبلومات ونعرف بولوتيكا بالسبع لغات

ليه مانكونشي بقى ليه زي الراجل ليه

قولولنا هو زايد عننا ايه

ليه مانكونشي زي الغربية  ونجاهد في حياتنا بحرية

شطارة شاطرين   قدارة قادرين   مين في خفتنا ودردحتنا مين

ليه جوزي اللي يتعب تملي  ليه يشقى وانا قاعدة في محلي

اتعاون في حياته وحياتي وتروق له العيشة وتروق لي

اشمعنا في اوروبا الستات لهم صوت في الانتخابات

احنا كمان لازم نفوقهم هنا في بلادنا ونبقى فوقهم

دي المصرية من نشأتها مفيش زيها ست في بيتها

إن كان في محبة بلادها     واللا في تربية اولادها

 
 

دنجي

بصوت إيمان البحر الاسطوانة  
 

من استعراض الطاحونة الحمرا،  1922

 المؤدي سيد درويش والمجموعة

 تأليف بديع خيري المقام راست

 

 

دنجي دنجي دنجي              دنجي دنجي دنجي

جالتلي هالتي ام اهمد          كلمه ما فيه متلايه 

سرجوا الصندوج يامهمد          لكن مفتاهه معايا

إنه ياشنجي كريكري

دنجي دنجي دنجي             دنجي دنجي دنجي

 يامصيبة وجاني من بدري      زي الصاروخ في وداني

مافيس هاجة اسمه مصري     ولاهاجة اسمه سوداني

بحر النيل راسه في ناهية      رجليه في الناهية التاني

فوجاني يروحوا في داهية       إذا كان سيبه التهتاني

إنه ياشنجي كريكري

دنجي دنجي دنجي            دنجي دنجي دنجي

 ابيض اسود يابراوة             عايشين ويا بعضينا

سوداني انده كرامه            مصري طول عمره اخينا

اتنين جيران بلادونجي        والهيطة جنب الهيطة

الناس دي بلاوي كالنجي      عايزين خلينا شكانيته

إنه ياشنجي كريكري

دنجي دنجي دنجي          دنجي دنجي دنجي

 

الشغل بتاعنا براوة          طباخ في بيت الباشا

يوم فاصوليا وبجلاوة         يوم ملوخية وبوغاشة

يااوروبا خليك شاهد        عالبولوتيكا التريللي

الراية بتاعنا واحد            لازم يستنى تمللي

إنه ياشنجي كريكري

دنجي دنجي دنجي       دنجي دنجي دنجي

 

زوروني

بصوت الكورال النوتة  
 

المؤدي فتحية أحمد      تأليف سيد درويش   

  المقام  عجم عشيران

 

 

زوروني كل سنة مرة            حرام تنسوني بالمرة

أنا عملت ايه فيكم                 تشاكوني واشاكيكم

انا اللي العمر بداديكم             حرام تنسوني بالمرة

زوروني كل سنة مرة            حرام تنسوني بالمرة

 ياعيني عا اللي مالوش حد       طول عمره يقاسى الوجد

وتجرى دمعته ع الخد              مسكين حاله بالمره

زوروني كل سنة مرة            حرام تنسوني بالمرة

 

سالمة ياسلامة

بصوت سيد درويش النوتة الاسطوانة  
 

من الحان رواية (قولوله) 1919، تقديم فرقة نجيب الريحاني

 المؤدي سيد درويش، تأليف بديع خيري 

 

 سالمة ياسلامة  آه ياسالمة ياسلامة     

 سالمة ياسلامة روحنا وجينا بالسلامة

 سالمة ياسلامة

 صفر ياوابور واربط عندك     نزلني في البلد دي

  بلا امريكا بلا اوروبا مافيش احسن من بلدي

دي المركب اللي بتجيب احسن من اللي بتودي ياسطى بشندي

 ياسالمة ياسلامة روحنا وجينا بالسلامة

  سالمة ياسلامة

سلطة ماسلطة اهو كله مكسب  حوشنا مال وجينا

شوفنا الحرب وشوفنا الضرب     وشوفنا الديناميت بعنينا

ربك واحد عمرك واحد     ادحنا اهه روحنا وجينا ايه خس علينا 

 ياسالمة ياسلامة روحنا وجينا بالسلامة

  سالمة ياسلامة

صلاة النبي ع السخص منا             قرطه مية بلا قافية

اللي في جيبه يفنجر به                 والبركة في العين والعافية

حتاخد ايه م العيشة غير الستر ياشيخ خليها سايرة دنيا فانية

 ياسالمة ياسلامة روحنا وجينا بالسلامة

    سالمة ياسلامة 

 ياسالمة ياسلامة روحنا وجينا بالسلامة

 الغربة ياما بتوري                               بتخللي الصنايعي بيرطن

 ماطرح مايروح المصري                   برضه طول عمره ذو تفنن

وحياة ربنا المعبود وي آرفيري جود ياسطى محمود ادها وقدود

 ياسالمة ياسلامة روحنا وجينا بالسلامة

    سالمة ياسلامة 

 ياسالمة ياسلامة روحنا وجينا بالسلامة

 

صابحة الزبدة

 
 

 ألحان رواية " كلها يومين" 1920

 فرقة منيرة المهدية، تأليف وأغاني محمد يونس القاضي

 أداء منيرة المهدية   المقام  سيكاه

 

 

 الست           صابحة الزبدة           بلدي الزبدة

الجوق           صابحة الزبدة           بلدي الزبدة

الست           فاطمه التيمي           وأم الشيمي

                    جوزها بلبده            ويبيع زبدة

                     مش عيب ياصلاح      عيشة الفلاح

                     ده في محراته           وأنا مراته

                      على العيشة أساعده     وأصون عرضه

                       الزبدة

الست           صابحة الزبدة           بلدي الزبدة

الجوق          صابحة الزبدة           بلدي الزبدة

الست           ياولاد بلدي             زبدة ياولدي

                اشتري واوزن  عندك واخزن

                واوعى تبيعها           ولاتودعها      

                عند اللي يخون لتعيش مغبون     

                       وإزاي حتهون          بلدي بلدي الزبدة

الجوق             صابحة الزبدة           بلدي الزبدة

الست           خدوا أموالي            عدموا رجالي

                      واللي نفعني            ربي جمعني

                      على مصريين          ناس وطنيين

                      وخدوا بيدي دول ناس أحرار

                      حفظوا عهدي بلدي بلدي    الزبدة

الجوق             صابحة الزبدة           بلدي الزبدة

 

صح النوم ماتقوم ياحبيبي (بائعات اللبن)

الاسطوانة  
 

من رواية "ولو" (27-9-1923)

  تقديم فرقة  نجيب الريحاني، تأليف وأغاني بديع خيري

 ألمؤدي حياة صبري ونجيب الريحاني المقام عجم

 

 

الجميع : صح النوم ماتقوم ياحبيبي غير ريقك ع الحليب

              دا لبن  قشطة وحياة حبك لو داقه العيان ليطيب

ماري  :     يابيه أنا عندي          اللبن البقري

              أنا محسوبتك            بإيديه الحلوين

              أنا محسوبتك            علشان خاطري

              استفتحني               ياللا بقرشين

الجميع :  صح النوم ماتقوم ياحبيبي غير ريقك ع الحليب

             دا لبن  قشطة وحياة حبك لو داقه العيان ليطيب

لوسي :  خد لك رطلين والا تلاتة    واسقى مراتك واسقى ولادك

             دا احنا غلابة نربي يتامه       واوعى تصدق إننا وحشين

الجميع:    صح النوم ماتقوم ياحبيبي غير ريقك ع الحليب

               دا لبن قشطة وحياة حبك لو داقه العيان ليطيب

فتحية :     دي بنات مصر جمالهم عيرة    أبيض وأحمر وأبصر ايه

              تبقى قرعه حطه ضفيرة      وتقول على الفلاحة إخيه

الجميع :    صح النوم ماتقوم ياحبيبي غير ريقك ع الحليب

              دا لبن قشطة وحياة حبك لو داقه العيان ليطيب

 

طلعت يامحلا نورها

النوتة  
 

من الحان رواية (قولوله) 1919، تقديم فرقة نجيب الريحاني

 المؤدي فتحية أحمد تأليف  تأليف بديع خيري 

  المقام جهار كاه

 

 

طلعت يا محلا نورها   شمس الشموسة

ياللا بينا نملى ونحلب  لبن الجاموسة

 جاعد عالساجية ياخللي  اسمر وحليوة

عاوج الطاقية وجاللي   غنيلي غنيوة

جلتله يامحمد حبك   شجلب لي عجلي

ميته النار تبرد  واعرف راسي من رجلي

 طلعت يا محلا نورها   شمس الشموسة

ياللا بينا نملى ونحلب لبن الجاموسة 

ندر عليه ياخللي  لو يطفى شوجي

لاطبخ ملوخية وادبح  جوزين عتاجي

واعمل له صينية فيها فطير ورجاجي

ومهلبية واعزم اهلي ورفاجي

طلعت يا محلا نورها شمس الشموسة

ياللا بينا نملى ونحلب  لبن الجاموسة

 

مقلتلكش إن الكترة

بصوت سيد درويش النوتة الاسطوانة
 

من الحان رواية "رن"، 1919، تقديم فرقة نجيب الريحاني

 تأليف وأغاني بديع خيري

 المؤدي سيد درويش،  المقام عجم

 

 

 ماقلتلكش ان الكترة             لابد يوم تغلب الشجاعة

واديك لقيت كلام الأمره         طلع تمام ولافهش لواعه

غيرش اللي كان هالك أبدانا      ومطلع النجيل على عينا

إن محمد يكره حنا    وأيش دخل دول يانا بس في دينا

دخل بناتنا اللي موقعنا          في بعضنا وراح لك متصدر

فقسنا لعبته واتجمعنا            ليضيع شرفنا الله لا يقدر

عاديك على اللي ادتله الدنيا     وش وبقاله شركه ومتاعه

تشوفنا إحنا تقول حنفية         وتشوفه هو تقول بلاعه

 عايشين في وادي النيل نشرب  م العدادات على مللي وسنتي

من جاز لملح ومن سكر         لترموايات لخواجه كريانتي

ربنا مايوركشي دوختنا         الجيب نضيف أما البيت أنضف

والهدمه دي اللي على جتتنا     محجوز عليها دي عيشه تقرف

الحق كله على الأغنيا           إحم يافرحتنا بشطارتهم

ملهيين في روزه وماريا         والسف نازل على أمتهم

امتى بقى نشوف قرش المصري يفضل في بلده ولايطلعشي

إنتم بمالكم واحنا بروحنا                دي إيد لوحدها ماتسقفشي

 

هلأ بتضلوا معانا (المؤامرة)

بصوت دكتور م. حسن البحر  
 

 أوبريت "شهرزاد" تأليف محمود بيرم التونسي 

فرقة سيد درويش وعمر وصفي

المؤدي نظلي مزراحي وكلود ريكاتو والمجموعة، المقام نهاوند

 

 

هاللأ بتضلوا معايا هوني شوية بدي أحكي لكم قصة تاريخية

هالخاتون كان لها جدة اكوس منها

 الها عشيق كان بتحبه بقلبه ودينها

هالزلمة كان مثلها وهي مثله  زلمة قيافة بيليق لها وهي تليق له

وجهه كان منيح          منيح    نطقه كان فصيح  

      فصيح  منيح            فصيح                  منيح

فضت من شانه اوده    في آخر الدهليز هايدي

نص الليل بتخشله      ما بعرف شو بتعمله

نص الليل اسمع  بيها   اسمع دبة اجريها

اجر تشن              واجر ترن      اجر تشن       واجر ترن

هيك خطوة خطوة خطوة        هيك خطوة خطوة خطوة

ليلة عم بيستناها        مثل عوايده وياها

يلقى يابوي قدام عشر زلمات    في ايديهم عشر طبنجات

كان بده يفتح تمه        جاتله رصاصة في عين امه     ياباي

  هاللا فهمتوا هالقتله     بنسويها بزعبلة

الميرشاه امسك اجريه   امسك اجريه

قمع الدولة يشد ايديه    يشد ايديه

قرة آدم اوغلي في المصران    آه في المصران آه في المصران

شهرزاد:       مالكم يارجالة واقفين   بتعملوا مؤامرة على مين

                     الغيظ على وجوهكم باين

المتآمرون:     ده فعل زعبلة الخاين    خلانا نصبح متآمرين

شهرزاد:       الليلة نقتل زعبلة جزاء خيانته للدولة

                     الليلة بيكايد فيا بايت يدلع في حورية

المتآمرون:  احنا الثلاتة خدامك وحياة عظمتك ومقامك

                   لنجيب دماغه قدامك

                   ونعمله كبة نية كبة نية كبية نية

 

هلي هالله

بصوت سيد درويش النوتة  
 

من الحان رواية "إش"، 1919، تقديم فرقة نجيب الريحاني

 تأليف وأغاني بديع خيري

  المؤدي المجموعة ، المقام عجم

 

 

 هلي هالله   هلي هالله أديسه برامه

يادنيا زفت ملعونة               ملعونة بنت ملعونة

هيلانه جاريه زربونا

بلاوي جوكه مسكنده           عجايب جوكه مسكنجه

إهىء إهىء إهىء إهىء

يادنجي دنجي بتهدمي   تعالي يابكيته الطمي

أحيه عليه أحيه عليه   م الغلب العيشة الزفت دي

آكل كادوه بلأزارة منا   م الخازوق اللي شعوطنا

الهدمة اخص ع الهدمة  جاب لنا الضرب بالصرمه

عشماوي أهلك أسيادنا   ويخرب بيت اللي زعلنا

إهىء إهىء إهىء إهىء

سلام على أيام دنجلة   يارقص دلوكه مانجلا

الله عليه الله عليه  الله يرحم أيام الحظ النكته دي

تجيه ضربه في عين اللي  جابنا من السودان عالمصرو

المصرو أكله بالهمو  ملوهيه طظ في طعمو

اللهمه ينعل أبو أمه    الويكه دى مافيش زيه

إهىء إهىء إهىء إهىء

نجيبو بوظه ونشربي   لذيذة خالص يادين النبي

الله عليه الله عليه    أنا أهب الهاجه الحلوة دي

 

يابلح زغلول

النوتة حكاية اللحن  
 

المؤدي نعيمة المصرية، تاليف سيد درويش، المقام عجم

 

 

يا بلح زغلول   يا حليوة يا بلح     يا بلح زغلول

يا زرع بلدي   عليك ياوعدي       يابخت سعدي

      زغلول يا بلح

 يا بلح زغلول   يا حليوة يا بلح        يا بلح زغلول 

عليك أنادى     في كل وادى            قصدي ومرادي

       زغلول يا بلح

 يا بلح زغلول   يا حليوة يا بلح        يا بلح زغلول

 الله اكبر        عليك يا سكر           يا جابر اجبر

    زغلول يا بلح

 يا بلح زغلول   يا حليوة يا بلح      يا بلح زغلول

 ماعيتشي أبكي وفيه مدبر         مين بس ينكر زغلول يابلح

   زغلول يا بلح

 ياروح بلادك   ليه طال بعادك          تعا صون بلادك

       زغلول يا بلح 

يا بلح زغلول   يا حليوة يا بلح       يا بلح زغلول

 سعد وقال لي   ربي نصرني       وراجع لوطني

      زغلول يا بلح

 يا بلح زغلول   يا حليوة يا بلح       يا بلح زغلول

 

ياعشاق النبي

بصوت الكورال  
 

من الحان رواية "أم 44 "، 1922، تقديم فرقة علي الكسار

 تأليف وأغاني أمين صدقي

 المؤدي سيد مصطفى، تأليف أمين صدقي، المقام هزام 

 

 

ياعشاق النبي صلوا على جماله 

    دي عروسة البيه تعالوا بنا نسندهاله

آدي نور جمالها أهو هل هلاله          ياهنيه للي ينولها ياهنيه ياله

ياقمر منور     سبحان من صور   

جوليت وسفيرة عزيزة مين ده اسم مزور

 مين شاف كده بني آدمين                راح تطلعي وحشة لمين

دي الأم لون الياسمين                       والأب عريض وسمين

ياسلام ياحتة سكرة                          ياترياق اللي معكره

ياعريسها يازين مانتقيت

 عريسك من يومه بيه ملو هدومه

   اتهني به وافرحي به كيدي اللي يلومه

فنجرته دي كلها ايه                           بحبوح اسم الله عليه

يبدر بالألف جنيه                               تقوليش ملاليم في ايديه

إنشالله تمللي سبهللي                    على حسك انتي يافللي

ياجنان ياناس على دا تواليت

 والله براوه يافامليه نقاوه     خلفتوا وطلعت خلفتكوم حمار وحلاوة

دا عريسك سيدنا البيه                   ليه ماتدوبيش فيه ليه

علشان ماتاخدي عنيه                      صوني عرضه وحافظي عليه

دا شى مافيش فيه التباس                صيانة عرضنا ياناس

لمجدنا أكبر أساس

 ياعشاق النبي صلوا على جماله 

    دي عروسة البيه تعالوا بنا نسندهاله

آدي نور جمالها أهو هل هلاله          ياهنيه للي ينولها ياهنيه ياله

 

ياللي تحب الورد

 
 

من مسرحية  هدى  (1921)

تقديم فرقة أولاد عكاشة (شركة ترقية التمثيل العربي)

 تأليف وأغاني عمر بك عارف

المؤدي فاطمة سري،  المقام بياتي  

 

 

ياللي تحب الورد                    الورد هجرته ليه

ده لوني لون خدك                 وغصوني من قدك

احمل نسيم ودك                   وانا مثال ندك

ياحبيبي يوم زورني                لو كنت تنظر لي

تبكي وتعذرني                   اوفي وصون العهد

ياللي تحب الورد                    الورد هجرته ليه

  اهواك ومين قدك                 ارضى ولا اعاندك

تهجرني وفي يدك                 روحي وايه بيدك

الصبر مررني                         لو كنت تنظر لي

تبكي وتعذرني                       اوفي لي يوم بالوعد

ياللي تحب الورد                     الورد هجرته ليه

امتى يلين قلبك                    ياللي الفؤاد حبك

مين ع الدلال دلك                  أو ع الخصام قالك

ياحبيبي يوم زورني               لو كنت تنظر لي

تبكي وتعذرني                       تمم لقلبي السعد

ياللي تحب الورد                     الورد هجرته ليه

 

يامدام كيلوباترا

بصوت الكورال  
 

من الحان رواية "رن"، 1919، تقديم فرقة نجيب الريحاني

 تأليف وأغاني بديع خيري

 

 

 البياعين

يامدام كليوباترة ياخفة انتي يا إش       اللي مايشتري ييجي يتفرج

هنا هو   الأوكازيون البرفكس              ماتهرش خليها بقى تتفرج

البنات  ياخويا ماتسيبني أفوت                 هو البيع بالنبوت

البياعين         قربي                   البنات                  لأ      لأ

البياعين        والنبي                  للبنت                   طؤ طؤ

البياعين        والولي                  للبنات                     نو نو

البياعين        فافوريسكا      

 البنات            فافوريسكا ايه           وهباب ايه

                      اكسو موريه            دنا ورايا ميت راندفو

البياعين        بقى يعنى خلاص               مش راح نستفتح

                    حرير قطيفة                    ستانيه م الفينو

البنت             هو أنا جاية                      في مصر اتفسح

                      النه دا ملعوب                   مش عارفينو

دوللي            ياما عندي بروجرامات تكسر وسط البهوات   

                     اتحنجل تيت تيت

البياعين        راح اريل بروم بروم

دوللي           اتنيل

البياعين        ايه ايه يابوغاشه

دوللي           بوغاشات موغاشات                حب البلاشات

                    سيفيني.. قبل ده وده إيدك ع الجنيه

فتحية  اكتر من كدا ويهون ياماريا دا اللي وقع بكره حايتصلح

        بقى انت تاكلي فطير وزلابيا والحج على بابا مش لاقي يطفح

والله اتكسينا ياهوه  يامصر ألو ألو  

  آدي عمرك  يوم يوم راح   كله نوم نوم

     شوف حالتك    قوم قوم    شوف حالتك

البياعين           مابدهاش بقى لا أبصر ايه   ولامدرك ايه 

                     شرف جدودك حافظ عليه

 

يامرحبا بك

صوت القاهرة الاسطوانة  
 

من اوبريت " العشرة الطيبة"

 ألمؤدي حياة صبري تأليف بديع خيري المقام شهيناز كردي

 

 

الجميع (ستات):  

              يامرحبا بك يامرحبا بك آدي اللى نابنا وآدى اللى نابك

ست الدار:

              ماضاقت الا وفرجها سيدك      يارب نجينا م المهالك

الجميع (ستات):  

             يامرحبا بك يامرحبا بك آدي اللى نابناة وآدى اللى نابك

ست الدار: 

         ايش بار علينا ياما خدعنا       ايش بار علينا ياما خدعنا

                         لولا حزنبل لكنا ضعنا 

           يامرحبا بك يامرحبا بك آدي اللى نابنا وآدى اللى نابك

الجميع (ستات):   

           ايدنا في ايدك طبل وزمر لازم نكيدك ياحمص اخضر

ست الدار:  

             دى العبودية ماخلص زمانها وآدى الحرية حايؤؤن أوانها

الجميع:   

            يامرحبا بك يامرحبا بك آدي اللى نابنة وآدى اللى نابك

 

ياناس أنا مت في حبي

 
 

 أالمؤدي محمود مرسي، المقام حجاز كار

 

 

ياناس أنا مت في حبي وجم الملايكة يحاسبوني

   حدش كده قال

 أول سؤال سألوني عليه ايه السبب في لوم العزال      

قلت إن حبي الحق عليه خللا اللى عمره ماقالش اهو قال

  وبقينا أمثال

 ياناس أنا مت في حبي وجم الملايكة يحاسبوني

 حدش كده قال

 قالولي ايه اصل غرامك وليه حبيبك موش وياك

مين ده اللى حلل هجرانك بكيت وقلت العشق هلاك

    حدش كده قال

 ياناس أنا مت في حبي وجم الملايكة يحاسبوني

   حدش كده قال

 ياعيني على اللى عشق واحتار وامضى طول عمره في افكار

ياخدوه قوام م الدار للنار ماينجدوش إلا الستار

       حدش كده قال

ياناس أنا مت في حبي وجم الملايكة يحاسبوني

     حدش كده قال

 

ياهادي

بصوت إيمان البحر النوتة  
 

من الحان رواية "أم 44"، 1922، تقديم فرقة علي الكسار

 تأليف وأغاني أمين صدقي

   ياهادي ياهادي ، أداء محمد البحر، المقام  جهار كاه

 

 

 ياهادي ياهادي اجلي مزاجك يابو زقزوق الليلة دي

يابن حارتنا يانوارتنا حتى بناتك جه بخت أجوازهم نادي

 دوروا متخلوش مزيكة ألا متجيبوهالنا تدق لنا

عشرة فولكا الني يامريكا ده الحظ اليلة يحقلنا

المسألة هاصت               ابسطها ياباسط

ليلة صباحي وقعة زلابيا للآلاتية وولاد رابيا

واهو بنت فبنت تزفوهم وانجلي يابو مرزوق يا أبوهم ياهادي

ياهادي ياهادي اجلي مزاجك يابو زقزوق الليلة دي

يابن حارتنا يانوارتنا حتى بناتك جه بخت أجوازهم نادي

 الشكل بولاقي لكن خايل بشوات مين ده انت باشا وحتة

واشحال بقة لما تتخايل ووراك بدل المحسوب ستة

الجميع :                          بكرة الموبيليا تيجي من مرسيليا

زقزوق :         ليه؟

        لاهو نجار مصر ايده قصيرة ولاصنعته ناقصة تمدن

والنبي لو ترسي على حصيرة ولاحوجة لمرسيليا ولندن ياهادي

ياهادي ياهادي اجلي مزاجك يابو زقزوق الليلة دي

يابن حارتنا يانوارتنا حتى بناتك جه بخت أجوازهم نادي

 ده يبقى نهار عال وكويس لما تتهنى بعروستك

وتيجي تقولك عشرة ياريس يالليى في وجودك وفي غيبتك

اسمك مايروحش من بالنا لو راحت روحنا واموالنا ياهادي

ياهادي ياهادي اجلي مزاجك يابو زقزوق الليلة دي

يابن حارتنا يانوارتنا حتى بناتك جه بخت أجوازهم نادي

 

ياورد يا فل ياياسمين

بصوت حياة صبري الاسطوانة  
 

من الحان رواية "إش"، 1919، تقديم فرقة نجيب الريحاني

 تأليف وأغاني بديع خيري

 المؤدي سيد درويش،  المقام عجم

 

 

ياورد يافل ياياسمين                    الله عليك ياتمر حنة

قرب هنا هنا تعا عندنا          خد وردة يابيه خدي فله ياهانم

ياورد يافل ياياسمين                    الله عليك ياتمر حنة

 ياللي عاوجلي طربوشك         فوق الجبين على سنجة عشرة

        ما تحطلك صحبة ياسمين في عروة الجاكتة رخره

قرب هنا شوف وردنا           خد وردة يابيه خدي فلة يا هانم

ياورد يافل ياياسمين                    الله عليك ياتمر حنة

 خدلك هدية لحبيبتك من الورد ده زينة الجناين

خليها تموت في ريحتك وتبقى من ضمن الزباين

قرب هنا هنا شوف وردنا               خد وردة يابيه خدي فلة ياهانم

ياورد يافل ياياسمين                    الله عليك ياتمر حنة

 وحياة ابوك لم تكسفني          خدلك عودين دانا اسمي نرجس

والله ان ما كنت تنفعني         لازعق واقول راجل مفلس

قرب هنا هنا شوف وردنا               خد وردة يابيه خدي فلة ياهانم

ياورد يافل ياياسمين                    الله عليك ياتمر حنة

 

ياولد عمي

بصوت إيمان البحر بصوت سيد درويش الاسطوانة
 

 من الحان رواية (قولوله) 1919، تقديم فرقة نجيب الريحاني

 المؤدي المجموعة تأليف بديع خيري 

  المقام بياتي

 

 

ياولد عمي يابوي ياولد عمي الحجني يابوي     ياولد عمي يابوي

هات البزابورت وياللا بنا يااسماعيل لا الوجت يفوت

غربة ايه دي مصر اولا بنا بعدها مابيحلا لنا الجوت

عهد الله وعهد الانبيا مانفوتهاش ولا بالنبوت

هي السمكة تفوت الميه دااحنا من غير مصر نموت

 ياولد عمي يابوي ياولد عمي    الحجني يابوي  ياولد عمي يابوي

 لفينا لما استكفينا من جرجا لمالطة لميدراس

والله بركة اللى استعفينا وخلصنا من وجع الراس

كل بلد ازفت من التانية وحياه سيدك ابو العباس

لولا انت يامصري في الدنيا ماكنا نلاجي ولاد ناس

 ياولد عمي يابوي ياولد عمي  الحجني يابوي    ياولد عمي يابوي

 والله لو كانوا الاغنيا يتلموا ويمضوا لنا شيكات

والنبي تو ماعجدوا النية اتفرج ع الفاوريكات

وتعيش مصر ف عيشة هنية دولة وتحكم ممتلكات

مادام في قلوبهم حنية ع الفقرا تحل البركات

ياولد عمي يابوي ياولد عمي الحجني يابوي