الألحان الوطنية

  النشيد هو قطعة منظومة ذات طابع حماسي أو قومي،  تتغنى بأمجاد الوطن. وقبل سيد درويش لم يكن هناك نشيد قومي متداول بين أفراد الشعب. ويعتبر سيد درويش هو أول من أبدع الأناشيد الحماسية الثورية.

لحن سيد درويش 22 نشيدا، نورد بعضها فيما يلي :

 

أنا المصري كريم العنصرين

   أحسن جيوش في الأمم

بلادي بلادي

  احنا الجنود زي الأسود

تحيا الأميرة شهرزاد

 

بني مصر مكانكموا تهيأ

دقت طبول الحرب ياخيالة

 

الجيش رجع م الحرب

فليعش وطننا وحدته أملنا

 

عذارى هدى تعود

مصرنا وطننا سعدنا أملنا

 

قوم يامصري

اليوم يومك ياجنود

 

 أحسن جيوش في الأمم

اللحن النوتة  
 

  من أوبريت "شهرزاد"

أداء سيد درويش ونظلي مزراحي

تأليف محمود بيرم التونسي          المقام عجم

 

 

أحسن جيوش في الأمم جيوشنا         وقت الشدايد تعالى شوفنا

ساعة مانلمح جيش الأعادي              نهجم ولا أي شىء يحوشنا

 آدي جنودنا وآدي بنودنا                     وفي الدفاع والهجوم تجدنا   

مالناش صناعة غير الشجاعة             وفي الجهاد ربنا خلقنا

أحسن جيوش في الأمم جيوشنا         وقت الشدايد تعالى شوفنا

ساعة مانلمح جيش الأعادي              نهجم ولا أي شىء يحوشنا

شهرزاد

مستقبل الأمة بين أيديكم                    في الوقت ده يعتمد عليكم

ردوا آدي الشعب بيناديكم                بيقولكم احفظوا شرفنا

أحسن جيوش في الأمم جيوشنا         وقت الشدايد تعالى شوفنا

ساعة مانلمح جيش الأعادي              نهجم ولا أي شىء يحوشنا

 

أنا المصري كريم العنصرين  

النوتة  
 

   من أوبريت "شهرزاد"

 أداء سيد درويش      

تأليف  محمود بيرم التونسي                     مقام عجم عشيران

 

 

أنا المصري كريم العنصرين   بنيت المجد بين الإهرمين

جدودي أنشأوا العلم العجيب   ومجرى النيل في الوادي الخصيب

لهم في الدنيا آلاف السنين   ويفنى الكون وهما موجودين

وأقول لك على اللي خلاني            أفوت  أهلي وأوطاني

حبيب أوهبت له روحي  لغيره لا اميل تاني

 

  احنا الجنود زي الأسود

اللحن  
 

من رواية "الهلال"

أداء  المجموعة    

 تأليف   عبد الحميد كامل                        المقام عجم

 

 

الجنود     احنا الجنود زى الاسود               نموت ولانبعش الوطن

             بالروح نجود     بالسيف  نسود      على العدا طول الزمن

             الحرب ديننا وطبعنا                   والسيف ابونا وامنا

             نحفظ كرامة شعبنا 5; 5; 5;                   بعمرنا بدمنا

صوت السلاح يوم الكفاح             في عرفنا في سمعنا حلو النغم

لازم نعيش طول عمرنا               في ارضنا احرار ورافعين العلم

مصر

                        يا جنود البلاد انتوا ابطال الشريعة

                   التاريخ شاهد عليكوا حاسبوا لتضيع الوديعة

الجنود

       اطمئنوا اطمئنوا احنا م الموت لا نبالي مهما كان الموت فظيع

                 كل شىء عزيز وغالي  غير شرفنا يضيع يضيع

المجندات

ا                لله على سير الجيوش   وقت الهجوم على العدا

                 يستقبلوا الموت مايهابوش   ولا يخافوش من الردا

الجنود

           وبعد انتصارنا نعود للخيام  امامنا البروجي بيضرب سلام

       نلاقي الصحيح يواسي الجريح ويغسل جروحه بدمعه الصبيب

           ويبني الشديد ضريح الشهيد ويرثي القريب اخوه الغريب

الممرضات

                   يااخواننا إن كنا ستات لابد ننفع ممرضات

                نداويهم     نواسيهم        نسهر ع الجرحي فيهم

الشرقيات لولا العادات كانم يفوقوا الغربية في المدنية والواجبات

الجنود

                  حفظ الشرف ده ارثنا     إلى الخلف من بعدنا

               نشبع نجوع مايهمناش         والموت كمان مايخوفناش

                    يهون علينا عمرنا تحت اللواء  وقت الدفاع

                   نموت ونهتف كلنا يحي الوطن  من غير نزاع

                احنا رجال احنا رجال  ابطال مانعرفش الكسل

                   بالاتحاد نحمي البلاد  بالاتحاد نحمي البلاد

                   فاليحي قائدنا البطل يايعيش يعيش يعيش

 

بلادي بلادي

النوتة  
 

أداء زكي عكاشة  وفاطمة سري    

تأليف سيد درويش        المقام عجم

 

 

بلادي بلادي بلادي لك حبي وفؤادي

مصر ياست البلاد أنت غايتي والمراد

وعلى كل العباد كم لنيلك من أيادي

 مصر أولادك كرام أوفياء يرعوا الزمام

سوف تحظى بالمرام  باتحادهم واتحاد

 مصر يا أرض النعيم سدت بالمجد القديم

مقصدي دفع الغريم وعلى الله اعتمادي

 مصر أنت أغلى درة فوق جبين الدهر غرة

يابلادي عيشي حرة واسعدي رغم الأعادي

بلادي بلادي بلادي  لك حبي وفؤادي

 

بني مصر مكانكموا تهيأ

النوتة  
 

أداء محمود مرسي               تأليف أحمد شوقي

المقام نهاوند

 

 

بني مصر مكانكموا تهيأ فهيا شيدوا للملك هيا

خذوا شمس النهار له حليا  ألم تك تاج اولكم مليا

 على الأخلاق خطوا الملك وابنوا              فليس وراءها للعز ركن

اليس لكم بوادي النيل عدن                  وكوثرها الذي يجري شهيا

لنا وطن بانفسنا نقيه                      وبالدنيا العريضة نفتديه#1607;

إذا ماسيلت الارواح فيه                  بذلناها كأن لم نعط شيئا

بني مصر مكانكموا تهيأ فهيا شيدوا للملك هيا

خذوا شمس النهار له حليا  ألم تك تاج اولكم مليا

نروم لمصر عزا لايرام   يرف على جوانبه السلام

وينعم فيه جيران كرام  فلن تجد النزيل بنا شقيا

بني مصر مكانكموا تهيأ فهيا شيدوا للملك هيا

خذوا شمس النهار له حليا  ألم تك تاج اولكم مليا

 أنا الهرم الذي صحب الزمان ومن حدثانه اخذ الأمانا

ونحن بنوا السنا العالي   نمانا أوائل علم الأمم الرفيا

نقوم على البنايه محسنينا  ونعهد بالتمام إلى بنينا

نمةت فداك مصر كما حيينا ويبقى وجهك المغدي حيا

 

تحيا الأميرة شهرزاد

 
 

من أوبريت "شهرزاد"

أداء نظلي مزراحي والمجموعة       

تأليف  محمود بيرم التونسي 

 المقام نهاوند

 

 

المجموعة       تحيا الأميرة شهرزاد          ذات العفاف والأبهة

                      اللي بقت كل البلاد  من فوق لتحت  تحبها

                                                 يابختها

شهرزاد         احب اشوفكم على القلعة واقفين ثابتين     

                   وفي الميدان زي الولعة  رايحين جايين

                   واللي اشوف قوة سيفه  لازم ارقيه على كيفه

                   يركب فرس ويا الحرس ويشوف فرص يفرح بها#1575;

المجموعة    تحيا الأميرة شهرزاد          ذات العفاف والأبهة

                   اللي بقت كل البلاد  من فوق لتحت  تحبها

                                                 يابختها

شهرزاد        العسكر الله يكترهم  ويقويهم

                   انا اللي اعرف مقدارهم  وارقيهم

                   واللي يبان منه القوة يبقى الوحيد عندي هوه

                   انظر إليه واعطف عليه  واديلله حاجة يحبها

المجموعة   تحيا الأميرة شهرزاد          ذات العفاف والأبهة

               اللي بقت كل البلاد  من فوق لتحت  تحبها

                                                 يابختها

 

الجيش رجع م الحرب

النوتة  
 

من أوبريت "شهرزاد"

أداء سيد درويش ونظلي مزراحي          

تأليف  محمود بيرم التونسي             المقام نهاوند

 

 

الجميع

  الجيش رجع م الحرب بالنصر المبين   

   والدنيا هايصة والأهالي فرحانين

 بعسكر الدولة اللي عادوا منصورين

       رافعين بنادقهم وفاردين العلم

الخاتون

       تعالى ياباشسنجق دار                 قولي ياروحي على الاخبار

            قل لي الحكاية كلها                      م الابتداء  للانتهاء

زعبلة

      اول ماروحنا بالعساكر من هنا        واخدين معانا اكلنا وبمبنا

علشان ما أرضيكي        وارضي ربنا

      ساعة عساكرهم ماشافوا وشنا             هأ هأ هأ هأ

        لقينا سنجقهم جرى                     كمل بقى ياعسكري

المجموعة

        اتفركشوا زى الغنم                  للي انهزم واللي اتلخم  

         واللي وقف زي الصنم             واللي اكلها بالصرم   

                         اتاري دول عسكر عدم

زعبلة

          اول ماشفت المسألة                   مارضيتش اضرب قنبلة

             تروح خسارة في الفلا           علشان عساكر بالبلا

المجموعة

                 لهم دقون مدلدلة وجاكتات مهلهلة   

زعبلة

 قلت ياواد ايه العمل مايسعفكش الا الحيل 

                اطبخ لهم نسخه سطل جبنا الطاطورة والعسل

 وحطناهم في الحلل وحطينا الشىء عا الجبل 

  نطوا عليها بالعجل والاكل واللهط اشتغل

المجموعة

  سبنا الاعادي مغروزين زي البصل 

    مفيش واحد منهم وصل لاهله يحكي اللي حصل

زعبلة

                     وآدي الحكاية كلها م الابتداء للانتهاء

الجميع

    الجيش رجع من الحرب بالنصر المبين

   والدنيا هايصة والأهالي فرحانين

   بعسكر الدولة اللي عادوا منصورين 

  رافعين بنادقهم وفاردين العلم

 

 دقت طبول الحرب ياخيالة

النوتة  
 

من أوبريت "شهرزاد"

أداء سيد درويش وحياة صبري

 ونظلي مزراحي ومحمد المغربي

تأليف  محمود بيرم التونسي   المقام عجم

 
 

 

المجموعة

       دقت طبول الحرب ياخيالة     وآدي الساعة دي ساعة الرجالة

زعبلة

      انظروا لأهلكم نظرة وداع            نظره مافيش بعدها إلا الدفاع

المجموعة

       دقت طبول الحرب ياخيالة     وآدي الساعة دي ساعة الرجالة

شهرزاد

                            اسمعوا الأمر الجديد         

 المجموعة

                             اسمعوا الأمر الجديد

       

 شهرزاد

            كلكم من تحت امر             باش سنجق داري الوحيد

المجموعة

          ليحي باش سنجق دارنا               اللى مشرف عسكرنا

قرة آدم

          اما عجايب اما تباتة           تبقى فضيحة وتبقى شماتة 

           واحد يعلا واحنا ثلاثة         لازم احنا نكون الأولى  

           قرة آدم اوغلي                  وقمع الدولة

حورية       لسه أنت يازعبلة صغار       وازاي ماتصبح سنجق دار

زعبلة      ستي الخاتون حبتني             شافتني عاقل رقتني

حورية     ياخوفي بس لتنساني              وتشوف غيري

زعبلة       وفين اروح من وجداني        واللا ضميري

الخاتون

          الحب عماهم ونسوني        وانا واقفة وشايفة بعيوني

           بزيادة يابنت ده مش وقته    خليني اكمل له درجته

          امسك ياشاطر سيف ابويا في ايديك

                         تستاهل الترقية الله يزيدك

المجموعة

      امسك ياشاطر سيف ابوها في ايديك

 تستاهل الترقية الله يزيدك

الخاتون

  السيف ده غالي وانت له تستاهل

   ده أصله سيف باب ماهواش ساهل

   سلمتهولك لما شوفتك راجل   

       تزينه لما تمسكه بيمينك

المجموعة

     امسك ياشاطر سيف ابوها في ايديك

 تستاهل الترقية الله يزيدك

 

الغناء البوليفوني (الهارموني)

 

الجيش            تنتصر وترتفع والأعادي تنخذل     

قرة آدم           وتنكسر

الجبش            روح يازعبلة انتقم وعود لنا فايز بطل

قرة آدم                كلام في كلام     منام في منام   

الغناء البوليفوني 

الصوت الأول:

  الميرشاه

                      موش راح ينفع    ولايتمتع ابدا ابدا  

 إن شاء الله

الجنود        راح يتمتع

  الجميع : بكره حانسمع غصب عنكم
              إن شاء الله

  الصوت الموازي:

زعبلة       دوسوا الأعادي بالقدم ماحناش في وقت الانتظار         
 واملوا رؤؤسكم  بالهمم   واملوا السماء والأرض نار

          ياعسكري اللي ينهزم       يقع في عار وأي عار

                          وإن داس على النفس وهجم

                                   ربك كفيل بالانتصار

 

 عذارى هدى تعود

اللحن  
 

من أوبريت "هدى"

أداء زكي عكاشة وفاطمة سري

تأليف عمر بك عارف           المقام عجم

 

 

عذارى هدى تعود   يامن يجود علينا بالحياة

ياحياة العهود والجمال  ياهدى دوام الوصال

وردتي ردي وانشدي ودي        سمعينا للجميل اشجى النغم

وارفعي بالحكمة أبناء الهرم      وانسجي بالشمس والنجم العلم

هيا يارفاق نحتفل بيوم عيدنا      انخذل عدونا ونلنا كل قصدنا

عوقب الحسود ماله وجود     اننا اسود لا نبالي بالردى

لقد مضى وقت الرجا فيا حبيبتي

  وهابدا لنا الهدى فيالسعادتي   

فلتحيا بلادنا   

  تعيش بلادنا نعيمنا إنا فداؤها         بلادنا نعيمنا إنا فداؤها          

          فلتحيا بلادنا  

   تعيش              تعيش              تعيش

 

 فليعش وطننا وحدته أملنا 

اللحن  
 

أداء وتأليف سيد درويش 

المقام عشاق

تأليف سيد درويش ومسجل بصوته

"فليعش وطننا وحدته أملنا"

 

 

  فليعش وطننا وحدته أملنا   كلنا جميعا للوطن ضحية

نجمع صليبنا ويا هلالنا    في حبك أنت ياحرية

عزك حياتنا    ذلك مماتنا             يامصر بعدك   مالناش سعادة

لولا انتباهنا   لوجود إلهنا              كنا يا مصرنا   نعبدك عبادة

ربك معاكي يحرسك بلادي           يامصرنا وروحنا فداكي

كلمة رجالك أحيت أمالك          والسعد جالك بايدين ولادك

روحنا فداك  مالناش سواك        ربك معاكي في كل ساعة

وباتحادنا نبلغ مرادنا                     ويد الله مع الجماعة

إحنا غايتنا نرفع رايتنا إحنا خلقنا نأبى المذلة

ياعيشنا سعدا    يامتنا شهدا     لتحيا مصر حرة مستقلة

 

 قوم يامصري

بصوت سيد درويش النوتة حكاية اللحن الاسطوانة
 

رواية "قولوله" (1919) تقديم فرقة نجيب الريحاني

أداء سيد درويش         تأليف  بديع خيري

مقام عجم

 

.

قوم يامصري مصر دايما بتناديك   

    خد بنصري نصري دين واجب عليك

يوم ماسعدي راح هدر قدام عنيك

        عيد لي مجدي اللي ضيعته بإيديك

شوف جدودك في قبورهم ليل نهار 

     من جمودك كل عضمة بتستجار

فين آثارك ياللي دنست الأثار           دول فاتولك مجد وانت فوت عار

 ليه يامصري كل احوالك عجب   

   تشكي فقرك وانت ماشي فوق دهب

مصر جنة طول مافيها انت يانيل       عمر ابنك لن يعيش ابدا ذليل

يوم مبارك تم لك فيه السعود            حب جارك قبل ماتحب الوجود

ايه نصارى ومسلمين قال ايه ويهود  

   دي العبارة نسل واحد م الجدود

 شفت أي بلاد يامصري في الجمال  

    تيجي زي بلادك اللي ترابها مال

نيلها جي السعد منه حلال ذلال    

      كل حي يفوز برزقه عيشته عال

يوم مبارك تم لك فيه السعود            حب جارك قبل ماتحب الوجود

ايه نصارى ومسلمين قال ايه ويهود 

    دي العبارة نسل واحد م الجدود

 

  مصرنا وطننا سعدها أملنا

 
 

 

أداء محمد بخيت            تأليف سيد درويش

 

 

مصرنا وطننا سعدها أملنا    كلنا جميعا للوطن ضحية

أجمعت قلوبنا هلالنا وصليبنا أن تعيش مصر عيشة هنية

 عزك حياتنا        ذلك مماتنا

يامصر بعدك       مالناش سعادة

لولا اعتقادنا       بوجود إلهنا       كنا عبادنا         النيل عبادة

مصرنا وطننا سعدنا أملنا    كلنا جميعا للوطن ضحية

أجمعت قلوبنا هلالنا وصليبنا          أن تعيش مصر عيشة هنية

 حبك كفاية   مالوش نهاية     كله مزايا   من فضل ربي

مهما قاسينا   مفروض علينا   موت المجاهد   من غير ذنب

مصرنا وطننا سعدها أملنا    كلنا جميعا للوطن ضحية

أجمعت قلوبنا هلالنا وصليبنا أن تعيش مصر عيشة هنية

 روحنا فداكي    مالناش سواكي  ربك معاكي  في كل ساعة

وباتحادنا   نبلغ مرادنا    ويد الله   مع الجماعة

مصرنا وطننا سعدها أملنا كلنا جميعا للوطن ضحية

أجمعت قلوبنا هلالنا وصليبنا أن تعيش مصر عيشة هنية

 احنا غايتنا نرفع رايتنا  أحرار خلقنا نأبي المذلة

ياعيشنا سعدا                     يامتنا شهدا

لنحيا مصر أمة  مستقلة

 

نشيد اليوم يومك ياجنود

اللحن  
 

من أوبريت "شهرزاد"

أداء سيد درويش وحياة صبري

 والمجموعة

تأليف  محمود بيرم التونسي 

 

 

الجميع

            اليوم يومك ياجنود ماتجعليش للروح تمن

 يوم المدافع والبارود  مالكيش غيره في الزمن

 هيا اظهري عزم الأسود في وجه أعداء الوطن

 عار على الجندي الجمود إلا إذا لفه الكفن

 زعبلة

             على السماء خلوا الهجوم لو كانت الاعدا نجوم

 وزلزلوا الأرض إذا جارت على الأرض الخصوم

البوري بيندهلك اسمع منه الصوت 

بيقولك فوت أهلك واستهتر بالموت

احيينا سعداء وأمتنا شهداء

زعبلة  

  ياحياة الروح هل حالك حالي     تذكرين الوصل في تلك الليالي

  هل يزور الطيف ميدان القتالي   ام يحول العمر من دون الوصالي

  في رضا الأوطان اني لا أبالي       انما الاقدام من شأن الرجالي

حورية 

سر وعد بالنصر من مولى الموالي     يا حبيبا صار في نيل المعالي

الجميع

                         هيا بنا هيا بنا نلعب ونرقص كلنا 

                        ونضحكوا ونلعبوا ونقوم نوقع بعضنا

زعبلة 

 دفع البدل جبن وكسل يعر شبان      عصرنا نمحي العدا من ارضنا

                          ونموت في حب بلادنا

الجميع                   هيا بنا      هيا بنا

البوري بيندهلك اسمع منه الصوت

  يقولك فوت أهلك واستهتر بالموت